立場新聞 Stand News

對話的基礎

2020/1/4 — 15:39

林鄭對話會(立場新聞圖片)

林鄭對話會(立場新聞圖片)

林奠叫人放低成見,坐低對話,早幾個月更加煞有介事咁整個「對話辦」,雷聲大、雨點小咁搞咗場「對話會」,更加整埋啲口號「對話總比對抗好」;其他建制人士,無論係董建華、曾鈺成都希望「坐低慢慢傾」,甚至有好多所謂「中立人士」都主張和談以解決目前困境。但係要「對話」先要明白對話嘅根本基礎。

一個有意義嘅對話首先係雙方平等嘅地位,否則唔係叫對話,係訓示同下旨,就好似軍官對士兵、皇帝對百官;再者,對話嘅內容同論述係要基於事實、尊重事實,用同一標準、邏輯去討論。立場可以唔同,但係事實同邏輯只有一套,係客觀嘅存在,當雙方對事實存在分歧,就要透過查證去釐清事實,而唔係謾罵,或者選擇視而不見,或只見到有利自己嘅事實。

舉個好簡單嘅例子:苦瓜好苦所以我唔食。你覺得好好食,想說服我,你可以講「苦瓜好有益,會回甘,其實好好味」等等,呢啲都係基於事實嘅陳述,雖然最終未必一定說服到我,至少係一個有意義嘅對話。

廣告

但係當「全民食苦瓜」變成一個硬任務嘅時候,宣傳「苦瓜係甜到同芒果一樣」,仲要指責所有人講「苦瓜係苦」係歪曲事實,散佈謠言,居心叵測,「唔食苦瓜」係反中亂港分子,要予以強烈譴責。呢啲唔係對話,只係純粹嘅訓示,單純嘅抹黑、恐嚇,全無意義。

上述個例子好無稽?事實上呢七個月嚟港共政權同警謊嘅反應更無稽,更偏離事實,更違反邏輯:

廣告

仲有好多好多例子,證明港共政權已經完全離棄咗事實同理性討論,只剩下政治正確,咁仲有咩對話嘅空間同基礎?對於一個離棄咗事實,離棄咗邏輯嘅政府同警隊,同佢哋作任何類型嘅對話都只係浪費時間。到咗今時今日,仲對港共政權有任何幻想嘅人唔係 “ Too Simple, Sometimes Naive” 就係心懷不軌。對話唔係出路,只係與虎謀皮。香港人嘅眼前路只有一條,沒有身後身,再痛都要忍痛行落去。

發表意見