立場新聞 Stand News

小心突然奇來嘅糖衣毒藥

2019/11/27 — 10:33

立場新聞圖片

立場新聞圖片

經歷今次選舉嘅教訓,相信會某程度影響到共產黨嘅治港方針。2008-2018 年是中國經濟特飛的年代,亦都係港共政權及其經濟夥伴最搵到食嘅年代。極度放寬嘅信貸模式,換來更多的金錢,收買咗好多人心。但 2019 是經濟下滑的開始,本來用利益綑綁的群體,亦會因此潰散。

中共近十年的治港模式:
1)搶奪香港金融市場話語權,
2)用利益綑綁方式再用中聯辦及其下游組織派餅仔,
3)強力執政手腕硬推中共融合嘅政策

整場「反送中」運動徹底動搖了整個治國方針,今次選舉亦在全世界焦注在香港時,反映了民意的強大,竟能擊敗國家機器。中共的列寧因子強大,每盤棋都用好多時間去鋪排,計畫非常周密。而且計劃一牽一連,香港嘅事情會影響到對台灣及其他經濟上的部處。

係呢個亂局內,我地見到鴿派嘅曾鈺成不斷吹和風,甚至話特赦都會考慮。中共會唔會一改作風,先懷柔,把抗爭之火熄滅,再 Buy time 讓一切回到其計劃的軌道上?假如五大訴求比四個你,雙普選再慢慢定實施方案,你又會唔會收貨?

其實係過去嘅五個月,港共集團背後亦黎咗一次大洗牌,我相信中共對香港嘅長期控制能力比之前更強,只要我們停止抗爭,很快地我們便會失去所有嘅講數籌碼。

抗爭之火絕不可滅,千萬不要被勝利沖昏頭腦,抗爭需要嘅升級唔係降溫。

作者 Facebook

 

廣告
廣告

發表意見