立場新聞 Stand News

「左膠」原來係警察 阻「私了」護同袍

2020/1/20 — 13:50

作者製圖

作者製圖

今日 1.19 發生了一樣事情,值得紀錄下來。

大約 1621 左右,中環遮打集會有一名疑似便衣警員自稱中西區指揮官,要求大台立即終止集會。召集人劉頴匡多次要求他示委任證,以證身份,卻遭拒絕。當時已有現場人士起哄要將該名警員「私了」,但被部分在場人士要求冷靜。

經一輪擾攘後,劉頴匡宣佈結束集會。幾名黑衣人隨後衝前「私了」該名便衣警員,但有在場人士忽然上前阻擋黑衣人,並叫「唔好」、「冷靜」,雙方發生推撞與有人跌倒,場面極為混亂。

廣告

黑衣人一邊私了,一邊叫「左膠唔好阻住」,「否則私了埋一份」,但「左膠」並無退讓,反道奮勇地繼續用身軀阻擋,繼續話「唔好咁」、「夠啦」,惟黑衣人並未停止攻擊,便衣人員和兩名「左膠」同被打至頭破血流。

然後奇特的畫面出現了。

廣告

該兩名「左膠」忽然起身沿路護送便衣警員迅速離開現場,即使想阻都無可能咁護法,唯一解釋就係原來所謂「左膠」都係便衣警員,扮晒「普通市民」黎護主。

依件事顯示警方早有預謀混入群眾,扮「和理非」或「左膠」阻止勇武行動,亦顯示警方並唔係只有扮勇武搞破壞咁簡單。

所以之前有人「捉鬼」剩係針對「勇武」既做法根本有問題,甚至而家可以話「捉鬼」既人本身都有可能係鬼,志在分化。

其實運動去到依個階段,不論係唔係鬼,凡係分化者都唔應該理。討論係可以,批評係可以,但追擊式地諷刺、分化、貶低同路人既,依種行為就唔可以稱為真正既「手足」。

警方既喬裝卧底行動鋪天蓋地,要防就更加要團結。勇武「私了」會有分寸,即使過火,亦可以言語相勸,但用到搵身驅去擋,以後只會被當係「鬼」對待。

當然,可能真係有人唔忍心見到暴力場面,但今日警察喬裝扮「阻膠」既舉動,已經令大家日後分唔到邊啲係「真心阻膠」,邊啲係「假阻膠真警察」。

警察咁做只會令和平解決方法更加少,但到而家佢地都未明,以為濫暴濫捕就可以解決當前的政治問題。

[1] 現場可能有其他真.市民有勸阻

作者 Facebook

發表意見