立場新聞 Stand News

張炳良談香港特區管治

2020/7/6 — 10:17

香港政府近年民意一直低迷,最近一次由香港民意研究所所做嘅民調顯示,香港市民對特區政府嘅整體表現滿意程度大約係負百分之48,似乎大部份市民對政府都抱有不滿嘅情緒。另外,長時間嘅警民衝突,亦令警方民望下跌,中大最近民調顯示,市民對警方嘅信任度只有3.36分,警民關係仍處於冰點。

早前香港教育大學公共行政學研究講座教授張炳良先生曾經於報章撰文,提到政府於示威風波期間進退失據,最初錯判形勢堅持啟動修例,之後趕唔切調整步伐,再繼而於上年6月中被迫「擱置」修例,拖到9月先正式收回法案,致使民情一發不可收拾。加上否決成立法定調查委員會,使到政府流失威信。

而對於港區國安法,張炳良教授曾經提及,國安法訂立後,學校仍然可以教授六四事件。而貿然取消通識科係本末倒置,但可以檢討課程係咪過分側重時事,咁應該如何重新定位通識科?甚至會否涉及其他科目嘅課程內容?對於年輕人,張炳良認為北京方面或未能完全了解其需要,建議可以「聽多點,了解多點」,以促使化解雙方矛盾。另外佢表示,國安法係不尋常時期嘅不尋常回應,通過國安法,對北京來講,只會係起點,期望穩定局勢後,再做教育等軟性工作。

廣告

張炳良教授主張,真正出路只有一條,就是政治重建、逐步解結,啟動大革新。但觀乎社會現時形勢,又係咪真係咁易做到?可以有咩良策達致大和解?

我地有請張炳良!
 

廣告

發表意見