立場新聞 Stand News

從踢波看「內會風波」

2020/5/6 — 16:10

中聯辦(資料圖片)

中聯辦(資料圖片)

香港隊對中國隊。足球場外,北方阿伯手持報紙包著的條狀物體,疑似尚方寶劍,又疑似鹹魚,咆哮:「場波打咁耐仲係零比零,球證有無搞錯!球證係香港人,別有用心,係黑哨,搵人拉佢坐監!」然後兇狠地揮動報紙條狀,寫著:「港澳辦轟郭榮鏗公職行為失當罪」。保安人員勸止咆哮,北方阿伯賞了他三巴掌,怒道:「我不受監管的!」保安人員手震,連聲說是,轉職球場清潔去了。

突然,疑似有人越位,球證要叫停。跑來了一個外聘律師,說:「OK個喎。」球證直斥其非,道:「我地自己有VAR意見,唔駛你插手。攞咗VAR意見,我係啱既。」外聘律師說:「OK個喎,越位都唔犯法。」球證說:「越位唔犯法,但犯規!你咁離地!」外聘律師建議,可以換返上一場球證做住先,由佢同意OK會好睇啲,好睇過零比零,係lesser evil。反正上一場球證仍然袋住球證人工,也可算現任球證。場外怨婦說:「越位入波,好過零比零,只差臨門一腳!」

最近政府準備越過內會,由李慧琼 (上年內會主席) 同意就直上大會恢復二讀國歌法,林鄭形容為「只差臨門一腳」。

廣告

香港隊能否守和至最後一分鐘?2015年港中大戰打和,眾人既為港隊喝采,亦可自由地噓爆國歌 ── 相傳這是國歌法的起源,中國兩年後施行國歌法,並計劃去年香港立法,但被反送中打斷。

故事如有雷同,實屬不幸。

廣告

 

發表意見