立場新聞 Stand News

微信和 WeChat 的確不同,不過

2020/8/14 — 21:35

作者製圖

作者製圖

等我幫馬化騰澄清下,兩個真係唔同產品嚟。不過,侵侵專登㨂 WeChat 個版本嚟禁。美國想打擊嘅唔唔係馬化騰講嘅騰訊業務,而係活躍於海外華人圈嘅假消息、資訊戰(#轉載事實 🙃,最底有 source)。

首先,微信 2011 年開始接受海外電話號碼注冊同埋駁 Facebook,2012 年正式用 “WeChat” 呢個名進軍海外。喺個個時侯,微信其實就已經分開左「微信」(Weixin,中國版)同 WeChat(海外版)兩個產品。外國一般英文都會用 Weixin, WeChat 呢個寫法去分辨。

🟡 佢地用兩個唔同嘅 server
🟡 有唔同嘅過濾字眼(中國個個梗係多啲)
🟡 中國版要綁中國電話號碼、銀行戶口等等,基本上你唔係常喺中國住,你唔會用中國版。
🟡 WeChat(海外版)可以睇到晒「微信」嘅野,但「微信」係牆內,唔可以睇到任何海外嘅小程式、同follow啲「官方帳號」(同 facebook page 有啲似嘅野)

廣告

🚩重點🚩
馬化騰話,你禁 WeChat 對我無咩影響,因為過左  8年,原來美國業務佔得收入 2%,廣告得 1%。咁點解 WeChat 仲咁落力喺美國營運呢?有人話,美國人影響會好大(下刪一百字),以前同啲公司傾過,佢地賣廣告都 touch 唔到 Weixin d人(上面講左點解),微信多數只係用於溝通。

資訊控制對共產黨維穩非常重要,海外華人喺外國有投資有資產,透過唔同嘅投資,佔有一定嘅影響力。最基本,都計人頭票數都唔少。

廣告

🟡 即使去左外國嘆世界,佢地十個有十個都唔識英文,多數聚居埋一齊。最經常用嘅依然係 WeChat。佢地溝通用 WeChat,買嘢用 WeChat,娛樂用 WeChat,睇新聞都係用 WeChat。

🟡 假新聞對外國政府嚟講一向喺好頭痛嘅野,鬼咩,你用中文講人地本地政治,想清洗都唔知從何開始。而且呢個海外中國人圈十分緊密(由大學唔同學生 Association 開始佈局有關),消息傳得非常之快。

🟡 我在明你在暗,外國政府辛辛苦苦,終於今年一月,加拿大因發放假消息罰左一個人 3 萬 8 美金。無睇錯,係一個咋,3 萬 8 咋。但呢啲假消息左右住華人票,小至地區選舉、大至總統大選。

所以侵侵喺新聞稿到無講錯,佢喺個 Executive Order 到連 Téngxùn Kònggǔ Yǒuxiàn Gōngsī 都寫得咁清楚,又點會唔寫明 Wēixìn。我哋唔好再誤會侵侵嘅決心喇🤗 點似啲人咁小氣喺咁話佢「辦事粗疏」。

來源:
美國:How misinformation spreads on WeChat - Columbia Journalism Review
澳洲:Right-wing “fake news” circulates on China’s WeChat app as Australia’s election nears
加拿大:WeChat user is charged US$38,000 after spreading fake news in Canada, putting scrutiny on a freewheeling political arena

作者 Facebook
 

發表意見