立場新聞 Stand News

愛國主義大電影 — 戰狼 II

2017/9/14 — 1:08

點解要睇:

1. 大陸狂收50億人仔,入場人次1.4億喎

2. 《解放日報》認證話,係「中國大陸主旋律電影類型化的成功作品」喎

廣告

3. 唔睇邊有得笑

聲明: 內含劇透/恥笑,不喜勿睇

廣告

劇情: 一個不知名非洲國家爆發內戰,叛軍見人就殺(包括親愛的中國同胞), 男主角吳京基於偉大嘅愛國主義情操,同埋中國人捨身成仁嘅精神,殺入重圍救人,英雄救美、解開心結、救苦救難,仲順便搵埋解救非洲致命傳染病疫苗添。

入正題之前,公道地講,如果唔理所有「主旋律」愛國主義祖國強大訊息,戰狼II絕對合格,有晒戰爭英雄片應有嘅元素,水戰、追車、肉搏連巡航導彈都出埋,男主角吳京確實好打得。

一睇就知我好打得啦係咪?做咩除衫?唔除衫點騷肌

一睇就知我好打得啦係咪?做咩除衫?唔除衫點騷肌

女主角亦相當唔話得,BTW,吳京自己做導演揀埋女主角安排埋感情線,識食。

真係幾OK架,咁佢當然有同吳京交換下口水啦

真係幾OK架,咁佢當然有同吳京交換下口水啦

入正題,到底愛國主義大電影有幾愛國呢?

最明顯嘅當然係主角吳京,作「原解放軍戰狼特別部隊」(阿吳京係戲入面起講咗十幾次),話係軍人,不如話係超人

-粗略估計起佢碼殺咗百幾人,用刀用槍用手,黑人、白人、黃種人,就係無中國人,中國人shall never kill 中國人嘛

-中咗類似伊波拉嘅必死傳染病,打咗枝疫苗瞓咗一覺之後,咩事都無

-徒手擋迫擊炮,準確啲講係用床褥彈簧反射迫擊炮彈,同手撕鬼子比,唔算太誇張

我係男主角,仲係中國人,係唔會死架,傻仔

我係男主角,仲係中國人,係唔會死架,傻仔

問題係,點解吳京要一個打百幾個呢?

因為

1. 爆發內戰,其他國家都見死不救,即刻走晒,特別係美帝

2. 中國領事館同船隊,「唯一」肯留低係附近救急扶危

3. 中國高舉「國際秩序」,唔可以介入別國內政,所以要靠「非政府人員」吳京

話說有一段,吳京同女主角揸住架吉普車,係大草原怒奔。

女:「我地應該去美國領事館,最安全。」

男:「美國海軍陸戰隊係世界最強嗎?」

男:「咁佢地點解唔嚟救你?」

真係有草原,仲有獅子添(圖文無關只係求其一隻獅子)

真係有草原,仲有獅子添(圖文無關只係求其一隻獅子)

多麼偉大的祖國啊,大陸對呢一段戲嘅評價係「所有國家的軍艦全部撤離,只有中國的艦隊在等待着自己的僑民。把美國女醫生嘴堵住的那一段真的體現出民族氣節!」(如果係某一類型嘅戲,堵住女醫生把口通常用其他方法...)

明晒。

類似嘅打飛機橋段,陸續有嚟。

例如研發出病毒疫苗嘅係中國醫生「Dr Chen」,例如叛軍領袖下令唔可以殺中國人,因為「中國係安理會常任理事國,我需要佢支持」(其實美國都係啊親)云云。

又話說吳京同叛軍打到尾聲,吳京不敵,俾冧落黎嘅瓦礫責住,好在,非洲國家wifi訊號夠強大(可能都係中國援建嘅),實時直播叛軍暴行,終於,中國艦隊有介入內戰嘅依據,可以發射導彈,炸到啲叛軍飛起。

而我睇嗰場,坐我後面有位女士見到呢一幕,拍手歡呼叫好,唔。

得罪方丈,唔信,我射飛彈炸到你飛起呀啦!點解對印度軍隊要打拳頭交?我點知ge

得罪方丈,唔信,我射飛彈炸到你飛起呀啦!點解對印度軍隊要打拳頭交?我點知ge

你以為打完?未。

之後吳京同對手大佬單挑,對手一度佔上風,然後莫明其妙係度自言自語。

「你呢啲低等民族整定俾我呢啲高等民族壓住!」

會唔會突兀咗..少少呢,唔緊要,總之吳京一個轉身,三兩下手勢對冧條友,反駁一句:

「這他媽是以前!」

祖國強大了,唔使再俾人壓住,得啦知道啦,成面都係啦。

就係呢條鬼佬犯我中華! 結果梗係死撚咗啦

就係呢條鬼佬犯我中華! 結果梗係死撚咗啦

應該打完啦掛,少年都係太年輕,高潮位都未到。

故事到結尾,打完壞人,但係內戰未完,撤離車隊經過一個交戰區,點算?

你無睇錯,呢個時候,無所不能嘅男主角爬上車頭,將五星紅旗套係手,一邊揮舞一邊大叫,「我們是中國人!」(唔知有無犯咗國旗法呢)

然來奇跡出現,交戰雙方見到五星旗,唔知係受到感召定咩,雙方都高呼,「Don’t shot,they are Chinese!」

五星經旗,救急扶危,國旗一出,誰予爭鋒!

五星經旗,救急扶危,國旗一出,誰予爭鋒!

然後大團圓結局,閃出一張flip card,寫住:

「中華人民共和國國民,當你在海外遭遇危險,不要放棄!請記住,在你身後,有一個強大的祖國!」

唔係亂嗡架,真架,有圖為證架...

唔係亂嗡架,真架,有圖為證架...

有大陸評論就咁樣講:

「我從來都不知道我們到底有多愛國,直到我在電影院裡切身體驗了一次全體起立唱五星紅旗的經歷。」

「犯我中華者,雖遠必誅!當吳京揮舞起那鮮艷的紅旗,整個影院瞬間全體起立,我的眼淚再也止不住了!」

「最後吳京手持國旗,沒有人殺中國人!」

唔,雖遠必誅,應該同某報做到好朋友。

綜合講,套戲作為一個3D視聽版飛機杯,足以令一眾愛國小粉紅射到精盡人亡,燃起雄雄愛國心。

不過話說回頭,所謂強大來自於自信,對自己嘅實力、制度有自信,真正強大嘅,唔會/唔需要不斷四圍大叫,「我好強大」、「我最強大」、「我以前唔強大而家好強大」。

本身唔夠自信,先要自我催眠,咁簡單嘅道理,幾時先明?

 

作者 facebook

發表意見