立場新聞 Stand News

憎值

2020/7/24 — 13:44

去年 7.21 元朗(網上片段截圖)

去年 7.21 元朗(網上片段截圖)

幾十歲人,好多嘢都見過睇過遇過,少不更事時,同小女友分手總有不成熟嘅情緒發洩,對方又少不免寃口寃面咁問 : 

“ 乜我真係咁乞你憎咩?” 

然後用梨花帶雨我見猶憐嘅樣望住你,咁好人好姐做人做鬼你都會話又唔係,不過咁咁咁,咁咁咁啫,天意嚟嘅,妳無錯我又都無,個心唔使唔舒服嘅 ...... !咁話時話又的確唔係憎,係唔鐘意啫,離開 “憎” 真係十萬九千里遠!

廣告

幾十年後今日,竟然有一班人( 男人 ) 問我 ( 哋 )  : 

“ 乜我真係咁乞你 ( 哋 ) 憎咩?” 

廣告

其實要乞人憎,需要乜條件呢?

{ 墨子 • 天志中 } 有講 “ 憎人賊人,反天之意,得天之罰者也。” 意思即係話憎恨人同呃人偷人嘢都係違反天意,會俾個天處罰,咁點解仲會仲要憎恨憎厭別人?

其實幾難,要好地地由愛戴佢哋轉化成憎佢哋有相當難度,除非例如做過 : 

由得你哋俾人打,睇到都掉頭走?

打電話求救唔理,鐵閘都落埋?

眼白白放走打人嘅人,唔多追究?

幫手打埋你,監生拗斷你隻手?

射爆你隻眼,射穿你個腎?

拉你打你兇你玩死你?

總之超級雞巴日光浴,大 L 晒?

要乞人憎未必好難,要乞幾百萬人憎其實唔容易,乞人憎嘅數值要好高,全世界好似無乜一班人咁短時間內做到!

其實,點解仲要問嘅?

 

發表意見