立場新聞 Stand News

成何體統

2020/2/18 — 14:16

背景:網上有影片流出,片段裡面所謂明星足球隊同包括警務處長鄧炳強嘅警隊高層聯歡,席間仲有釋囚前警官朱經緯。裡面嘅鄧炳強好 high,同班廢老過氣明星攬頭攬頸,仲話「做警察係學成龍同方中信」。

網絡影片截圖

網絡影片截圖

廣告

1. 首先,祝咁多位阿 Sir 感染一鑊熟。

2. 「明星」足球隊同黑警高層聯歡,片段全數流出。有冇問題?聯歡冇問題,但你可以想像以前曾蔭培、李明睦做 CP 嘅時候會咁樣嘅嘢流出嗎?係形象問題呀,stupid。

廣告

3. 堂堂警務處長鄧炳強大大聲話:「其實我做警察呢係學成龍大哥同方中信,全部學你哋,我唔知點做警察,睇睇吓就識做。」

成何體統?

成何體統?

成何體統?

警務處長話自己唔識做警察,仲要係跟成龍學?

成龍做警察?即係《警察故事》嘅成龍?戲裡面嘅成龍喺前線唔聽指揮、唔讀書、濫用私刑、打犯嘅瘋警喎?唔怪得之啦,同而家嘅香港警察完全吻合。

方中信做警察?即係《旺角黑夜》裡面嘅帶隊督察,下屬亂開槍打死冇犯事嘅人,佢竟然係叫另一個下屬搵把刀番嚟偽造證據屈個死者襲警(呢種畫面 2019 年大家見得多了)。

成龍加方中信,不聽指揮、濫用私刑、濫殺無辜、插贓嫁禍、妨礙司法公正… 鄧炳強果然係跟佢地學做警察。

4. 聯歡會仲有朱經緯。係,你冇睇錯,係隨街亂打人要坐監嘅朱經緯。條友知法犯法坐完監,你地仲叫佢嚟同 CP 聯歡,攬頭攬頸?即係你地成個警隊係認同朱經緯知法犯法啦。

成何體統?

成何體統?

成何體統?

5. 睇住呢條片,大家難免又諗起上星期,又係片中出現過嘅警隊高層閉門設宴,又會咁橋同啲黑社會大佬同時間同一間酒家嘅?

 

作者 Medium

發表意見