人在中環 - CK

人在中環 - CK

我係一隻又笨又固執嘅豺狼。著有《人在中年》。

2019/12/29 - 15:07

我們在等待一個結局,希望在 2020 會有一個美好的答案

這個 2019 年,當中起碼有半年是讓香港人過得不快樂。而不快樂的日子,恐怕還要延續好一段時間。

半年以來,大家都在不斷糾纏於誰對誰錯。對於對與錯,我們各自心裡有數,卻又永遠沒有本事說服對方。我唔知道你還是否仍繼續嘗試與人爭辯,這個地球係圓而唔係平嘅;爭辯無用,顯淺不過嘅道理亦唔會講得人明,結果只係落得各自圍爐。唯有事情一直發展出最後嘅結果,才能讓對手「認同」。

然而最後嘅結果會係乜嘢?會唔會係政權倒台?抑或係市民被大規模屠殺?又或者係一個又一個甚麼教育營設置喺市區之中?其實我唔相信有凡人有本事能預計得到。但現在這個城市需要一個明確嘅「結局」,才有機會開展下一個章節。讓人困惑嘅係,等待結局嘅過程,冇人知道要歷時幾耐,與及要付出幾多代價。

廣告

以前啲人成日講,做人要居安思危。太平盛勢嘅日子,居安思危嘅定義,可能只係讀多兩個學位,學多兩種語言,等自己喺經濟唔好嘅日子,又或者時代進步嘅時候,依然能夠搵到份工,搵到兩餐。但時代唔同了,今時今日嘅所謂居安思危,心態恐怕也應該調節了。等待結局嘅過程,要經歷嘅事情可能會比相像中慘烈。要讓自己有辦法生存下去,可能先係重點。生存,唔係指搵份工喺職場生存,而係喺政治動盪嘅環境之下,要盡力保住自己性命嗰種生存。

戰爭嘅殘酷,係當佢一路發展下去嘅時候,大家都已經無法糾纏於對與錯,正與邪,而係只能為住生存而戰鬥。勝利嘅一方會自動變成正確正義嘅一方,至於真正的對與錯,與及事情嘅真相,卻往往會被埋沒。然而戰爭嘅定義,又是否一定每次都是槍林彈雨,軍民互鬥?其實也不一定吧。有時,表面無聲無息,也可以是一場血腥滅族的慢性戰爭。

我們到底是活在一個怎樣的形勢之下?要如何居安思危?每個人都可能有不同的判斷吧。諗少啲,或者會開心啲掛。

2020,祝大家都能夠有愉快嘅一年。

也希望這裡有一個美好的結局。

作者 Facebook

(標題為編輯所擬。)