立場新聞 Stand News

我地不能向世界宣告香港人已經放棄

2020/7/10 — 8:06

知道好多人唔認同「民主派初選」,認為係「泛民大台」、「假團結」、「唔公平」,或者覺得只係初選「投嚟做乜」。

但国安叔叔大軍壓境下,我地連呼吸一口氣嘅空間都逐漸失去,遑論抗爭嘅操作空間,把握每一個呼喊嘅機會,係最重要嘅責任。世界愈嚴寒,我地愈要珍惜每一點火苗,不因善少而不為。

好多人覺得,民主世界向香港伸出援手已經係大勢所趨,香港人坐等世界救援、「侵侵出手」咪得,點解要同「泛民大台」一齊搞初選呢?但點解連當年被 DQ 後被唔少泛民中人嘲笑嘅本土派梁頌恆,加入都放下過去恩怨,為部份「大台初選」候選人站台呢?

廣告

「兄弟爬山、不分化」確實唔係能解答一切問題嘅答案,但大家更加要明白,團結,係因為我地別無他選。

正正係因為係本地抗爭空間日漸收窄下,國際對中国同香港嘅政策變得更重要,我地更要喺初選行出嚟。就如香港人對美國嘅政治,最多只有認識民主共和兩黨,對兩黨黨內派系所知甚少。同樣地,美國或者世界其他人,亦都唔會明白香港呢一個彈丸之地內,「非建制派」嘅派系之爭。無論我地認同或喜歡與否,事實係佢地只會知道一班人叫「Pro-Democracy Camp」、一班人叫「Pro-Beijing Camp」,that’s it,佢地唔會去探究咩叫「激進本土」、咩叫「熱狗」,更加唔會搞得清楚香港有人班支持民主嘅人會因為唔認同「泛民大台」所以杯葛初選。

廣告

四日後,世界各地嘅新聞只會得一句 “____ Hong Kong voters cast their ballots to support pro-democracy candidates”。

佢地見到嘅,係 “Ten thousands pro-democracy voters, which is a drastic drop from the three million voters in the election last year, ...”

定係 “Millions of pro-democracy voters cast their ballots today, in the face of the recently imposed National Security Law”

就由我地決定。

今日星期六日,將會係香港人最後一次自由用選票表態嘅機會。
請不要放棄我們最後僅有的權利。

 

作者 Facebook

發表意見