立場新聞 Stand News

或許無名的手足 也值得同等關注

2020/12/13 — 11:17

作者製圖

作者製圖

請謹記這場時代革命的英雄,是一眾熱愛香港的「無名抗爭者」。

如果大家覺得三子判刑係「世界末日」,見到好多市民閃著燈海送囚車感動落淚,因為剛好二人係香港知名嘅政治人物,才配有香港人這種熱情嘅關注。

不彷你試試去聽其他手足嘅審訊,你就會發覺點解得咁少人關注......其實呢一種「世界末日」每天都在不斷重複上演,而主角們卻是寂寂無名嘅手足。

廣告

香港有好多好多好多「周庭黃之鋒」,每日嘅法庭聆訊,好多無名嘅「香港兒女」正面對暴政嘅打壓,背負著對比二人更嚴重嘅控罪同刑期,而旁聽或送囚車嘅聲援者卻寥寥可數......顯得份外冷清及無情。

原因為何?只不過他們是寂寂無名嘅手足。
難道周庭黃之鋒是故事;而無名手足卻只是數字。

廣告

每一個無名手足都係同樣地為香港嘅抗爭運動而無條件付出,他們背負著同一樣嘅重擔、承受同一樣嘅審訊壓力、面對同一樣嘅政治檢控,卻因寂寂無名而走著不一樣嘅動盪人生。

而我時常想如果每一個無名手足嘅審訊,都有大家同等嘅關注同熱情,呢個社會同其他上庭嘅手足們,就唔會充斥無力感,彼此之間覺得冷漠同灰心。

「我今時今日還有自由身,雖然我有無力感,但不如想想手足在監獄裡面面對的無力感。對比政權,我們最大的敵人是冷漠和灰心。」

我認識嘅香港仲有好多好多年青人,特別係大學生和不同階層嘅抗爭者,他們所犧牲嘅自由、前途代價,甚至係寶貴嘅生命。

呢啲「無名英雄」所付出嘅價值遠遠是更崇高,係完全基於對香港嘅熱愛同無私無畏嘅精神,不存在任何鎂光燈、個人或政治利益。因此,無名嘅抗爭者比所有政治人物,都更值得大眾的關注及支援。

最後,我很希望「撐手足,撐到底!」
這不只是一句口號,而需要真正實踐。

發表意見