立場新聞 Stand News

香港人,「抗爭幣」同「國難士多」嚟喇!

2019/12/20 — 16:59

【12月25日更新】

*本項目因為未能處理好發行上的安全問題,引至令公眾產生個人私隱及安全擔憂,本項目決定即日停止運作。

*我們之前網頁所列出的認受組織及商店是我們單方面認為對抗爭有支持而列出,我們對他們帶來不便致歉。

廣告

*重申我們沒有和任何加密貨幣買賣KOL合作,請不要買賣不明來歷的抗爭幣。

項目在未有心思熟慮的情況下推出,我們已吸取教訓,團隊會繼續在其他抗爭項目中出力,兄弟各自爬山。

廣告

【原文】

大家好我哋係公民鏈,一班 IT 人、設計師同產品開發經理,今日想同大家介紹我地兩個項目「抗爭幣(HKPC)」「國難士多」。

抗爭文化已經同我哋生活不可分割,咁樣係令抗爭得以長久發展嘅一個重要因素,生活中每一個細節都加入政治取態唔係代表圍爐、唔係代表只有立場沒有對錯,而係要比人知個抗爭運動仲未完。

我哋攪「國難士多」喺為咗有一個平台比抗爭產品創作人同文宣設計師得到支持,因為有佢地嘅產品同設計先可以築起今日百花齊放嘅香港特色抗爭文化。

國難士多只接受「抗爭幣」作為結算貨幣,一種只可以捐款到指定抗爭組織或到指定商戶消費而得到嘅加密貨幣,將對抗爭嘅支持轉成價值,所以唔係食緊人血饅頭。

我哋希望:
* 抗爭產品創作者可以將產品放到「國難士多」分享比更多人
* 文宣手足可以將「抗爭幣」QR Code 放到文宣設計中,比有心人可以用「抗爭幣」去支持你哋
* 商戶可以接受「抗爭幣」,雖然佢唔可以轉返到港幣,咁可能對商戶營運產生壓力,但每一個「抗爭幣」都係由對抗爭支持而產生,而且每次發行都記錄到區塊鏈,唔會有濫發問題,商戶可以考慮當作折扣點數或作為部分結算
* 搵手足幫手管理「國難士多」
* 搵熟識 Stellar 嘅手足幫手認証捐款同消費收據並簽名發行「抗爭幣」
* 更多識 programming 嘅巴打參與個 project

整個「抗爭幣」同「國難士多」的源碼都是開源,歡迎任何識 programming 嘅巴打幫手改善項目。

希望大家支持,令抗爭文化成為我哋呢代人嘅重要回憶。

抗爭幣
國難士多
任何查詢可以聯絡 Fun 君巴打 tg

作者 Facebook

發表意見