立場新聞 Stand News

拉票最大武器:禮貌

2019/11/24 — 11:30

天水圍富恩選區(讀者提供圖片)

天水圍富恩選區(讀者提供圖片)

黎明來到,票站歷史性排晒長龍有老有嫩,係個極好開始!不過排咁耐老人家腳骨痛,有票站主任俾佢地投先的話大家千祈唔好鼓譟。反而有好多游離票不問世事,只見眼前畫面美唔美好文唔文明,如果大家好似平時搭車讓座咁以禮相待,就更有機會化解對家半年來落足藥話暴徒幾咁野蠻恐怖嘅形象,拉多兩票遊離都得!見票站有速龍先生(簡稱速生)就更加要忍忍口,勿送頭之餘亦唔好幫對家拉票,君子報仇十年未晚。

投完票重有成日流流長,你重有大把嘢可以做。除咗一個打十個親友問佢地投咗票未,請長輩飲茶避開旅遊巴之外,你更加可以企埋去黃絲候選人團隊到一齊助選,冇戰衣效果分分鐘更落地!

上屆一手沙頭角助選經驗,個區藍到仆街無懸念,但後來有老街坊話見我哋團隊好多後生仔女,有活力有希望就投俾我哋!好似好兒戲咁,但上一輩人尤是經歷過文革,對政治完全失望對政府冇要求,但人情世故就份外著重,所以啲蛇齋餅糉先可以咁有效,今日就係用最低成本扭轉局勢嘅關鍵!

廣告

投票係比任何民調都要實在嘅表態,全世界都睇緊,希望大家,尤其是5個月前上街同行嘅二百萬人,咁多個月冇乜發揮空間,今日係時候搏盡拉得一票得一票。願榮光歸香港!

作者 Facebook

廣告

發表意見