立場新聞 Stand News

拘捕及凍結星火的真正作用 根本不在於 7000 多萬的錢

2019/12/19 — 20:16

警方財富調查組署理高級警司陳偉基

警方財富調查組署理高級警司陳偉基

星火負責人被捕,好多人 Focus 係錢度。7千幾萬元筆數目當然唔細,但真正既影響力完全唔係在於依筆數度。

第一,政府要打亂「被捕支援」,令被捕者弧立無援。星火被捕,錢被凍結,最直接就係被捕者得不到支援,咁律師費點算?生活費點算?依班被捕者既將會遇到好實質既經濟困難。切斷支援,自然愈少人出。

第二,星火和被捕者的對話紀錄可能會被調查。警方可以「取用」依啲對話紀錄作為證據(就好似今日黃之鋒既手機被解鎖)。到時不論星火同被捕者都有機會會被添加罪名。

廣告

第三,斷絕經濟支援。警方已開始循「洗黑錢」方式展開調查與拘捕 channel admin 甚至捐贈者。所有曾經大額捐款的捐贈者都有機會被捕,從而嚇怕香港人唔敢再捐錢。

第四,實現大圍捕,殺絕和理非。捐贈者可能唔少都係和理非,今次警方獲得相關信息證據,好快個人資料亦有機會被洩漏出去,亦會被調查,到時政府就可以隨時用「洗黑錢」或「教唆犯罪」罪名去圍捕和理非。

廣告

政府這招非常毒辣,可以話從四面全方位打撃「家長」、「義士」、「和理非」和實質資金。

香港人,一靜落黎。牢獄等緊你。

===========
書生希望提醒大家,捐錢本身唔犯法。就算你捐錢比被捕者,都要證據顯示你有意圖係用依筆錢作非法用途或教唆犯罪先告得入,因為被捕者唔係收到你筆錢於是去犯罪,你只係幫一個被捕者生活而已。就好似果個深水埗駕車撞人的士阿叔收左撐警組織50萬一樣,除非有證據顥示的士阿叔係收左錢撞人,如果唔係都唔會告得入果個撐警組織。所以唔需要自亂陣腳唔敢捐。人地嚇你,你唔好驚就得。最緊要冷靜,小心,才可以正確行下一步。

#請謹慎保護個人資料
#新年快到得閒清潔屋企同舊年留落黎唔開心既野包括對話紀錄

作者 Facebook

發表意見