立場新聞 Stand News

指全日禁堂食影響基層考慮不周 林鄭月娥:非常唔好意思,政府有勇於改善精神

2020/8/1 — 11:41

政府實施全日禁堂食不足 2 日,昨日(31日)終於「跪低」恢復日間堂食,行政長官林鄭月娥今(1日)在電台節目表示政策影響基層,尤其是地盤工人,感到「非常唔好意思」,承認考慮不夠周全,希望大眾能夠諒解,又稱政府有勇於改善的精神。

全日禁堂食政策惹來批評,行政長官林鄭月娥在電台節目表示「非常唔好意思」,尤是對地盤工人造成不便,「因為影響嘅係基層,尤其係我長期好關心嘅建築工人,我做過發展局局長,見到工人又要開工,令社會能夠前進、工程唔好滯後,但又無地方可以食飯。」她又稱政府勇於改善,「唔可能百分百掌握出嚟嘅效果,有時睇得有啲疏漏,最重要按住情況不善去改善,我哋有勇於改善嘅精神。」

至於被批評政策朝令夕改,林鄭月娥承認考慮不夠周全,希望大眾能夠諒解,「過去一年我哋做好多嘢,都會出現哩種狀況。(如果)按部就班做,有人會認為係『擠牙膏』;我哋見做得唔好,從善如流,有人就話朝令夕改。但唔緊要,最終都以市民利益為依歸。」

廣告

她又稱現時疫情嚴峻,既然押後選舉,呼籲大眾放下分歧、同心抗疫,「政府出咗啲指示同要求,希望大眾遵守,任何公眾衞生政策,無市民支持係做唔到。」

廣告

發表意見