立場新聞 Stand News

指 7.21 兩警員離開合理 學生衝擊在美國已開槍 輔警總監:香港只係用溫水射下你 

2020/6/1 — 18:38

美國圖片:Photo by EVA MARIE UZCATEGUI/AFP via Getty Images

美國圖片:Photo by EVA MARIE UZCATEGUI/AFP via Getty Images

反修例運動期間,警方執法屢受爭議,輔警總監楊祖賜本年初接受《香港 01 專訪》,訪問到今天才刊登,楊祖賜在訪問中指,面對反修例運動中以學生為主的示威者衝擊,「我諗美國已經開晒槍,但香港只係用啲溫水射下你!」又為 7.21 兩名警員離開元朗站辯護,指當時兩名警員根本無法處理,「都唔知開槍打得邊個,開槍打天呀?如果打完成班人衝埋嚟咁點呀?」

楊祖賜正職是新鴻基地產市務總監、出任輔警 30 多年,輔警總監官階等同高級助理處長,他表示輔警主要支援警隊行動工作,去年下半年開始,所有輔警都曾配備防暴裝備出勤,協助正規警員處理示威衝突;楊祖賜在訪問中指,輔警曾向以汽油彈攻擊警署的示威者,發射防暴槍和催淚彈,亦有輔警曾在油麻地廣華街擎槍,阻嚇「暴徒」。

他強調,本港警方處理示威衝擊的手法比外國克制,「我成日都講呢班學生咁樣衝擊法,我諗美國已經開晒槍,但香港只係用啲溫水射下你!」他又指本港警察時常和示威者保持距離,慢慢等現場人士離去,「呢種處理方式全世界都冇,係我哋先有。」

廣告

楊祖賜亦為在 721 事件中,兩名從元朗站離開的軍裝警員辯護,指當時兩名警員面對數十人打鬥,各人亦手持武器,但兩名警員只有兩枝手槍,「我絕對冇咁嘅能力去控制到現場嘅打鬥,我係冇可能,我係冇能力㗎」,「都唔知開槍打得邊個,開槍打天呀?如果打完成班人衝埋嚟咁點呀?」他認為僅靠兩名警員,不足以應付場面,「我哋(警隊)唔想殺人,如果你成班人衝埋嚟,我開晒 12 槍,係咪死晒 12 個先?」

他又透露,去年 6 月至 11 月投考輔警人數比前年同期上升逾 70%,由 2018 年同期 601 人,上升至去年同期 1,039 人,當中 70% 是 30 歲或以上。而去年透過大學生計劃投考輔警的人數則較前年減少 40 人左右,亦有大學生輔警辭職,「佢本身的意見同我哋唔係同一理念,有一部分在咁嘅情況之下,就唔會做喇。」

廣告

發表意見