立場新聞 Stand News

捉鬼?唔該睇下孫子兵法先

2020/1/7 — 18:01

鬼梗係有,滲透到處都係,但重要嘅鬼你唔會喺前線捉到,而鬼最大嘅功用係耳語、流言、造謠,製造不信任。捉?大部分人莫講話捉,唔受影響唔信流言已經好醒。

問下自己呢半年信過幾多假情報謠言假新聞,傳過幾多段流料錄音?根本大部分人人講佢就信,連懷疑都未做到啦。

唔該睇下《孫子兵法》「用間篇」,間諜分五種,鄉間、死間、反間、內間、生間。而我哋會面對嘅只有鄉間同生間,基本上憑大部分人嘅智力係都防唔到。能力問題,人哋用間諜都識搵個樣平凡。

廣告

(因為無大臺,所以無咗「內間」,至於死間同反間,都係你主動放間諜先有)

而且間諜最會混入捉間諜度,因為可以製造不信任,傻仔好容易自動當捉鬼嘅人唔係鬼。

廣告

你捉鬼只會惡化,或者被利用。咁不如唔好搞,人最緊要係謙虛,唔好高估自己。

唔係話鬼唔存在或唔係問題,而係話你能力上防唔到。

 

(標題為編輯所擬)

作者 Facebook

發表意見