立場新聞 Stand News

搵個雙重標準嘅人做教育局長 香港教育又點會好

2020/6/11 — 14:06

楊潤雄

楊潤雄

今日楊潤雄局長喺新聞節目表示學校唔可以比學生唱「願榮光歸香港」,因為係政治宣傳:但唱「熱愛基本法」就冇問題,因為係法治問題。

搵個永遠都雙重標準嘅人做教育局局長,試問香港嘅教育又點會做得好?

其實結束一黨專政都係法治教育,因為係要求根據返佢根據法律做執政黨嘅輪替。

廣告

其實公民抗命都係法治嘅問題,因為係要挑戰唔公義嘅法律,所以透過違法去彰顯公義。

其實罷工都係法治嘅問題,因為基本法保障大家嘅罷工權利。

廣告

爭取民主都係法治問題,因為爭取一個能夠令市民可以一人一票,選出行政、司法機關嘅制度。

要將政治問題講做法治問題,可以有千萬種辦法。就正如喺楊潤雄局長眼中,只有「熱愛基本法」先至係法治教育,「願榮光歸香港」就係政治問題。

撐政府嘅就會用法治問題話你合法,支持民主嘅就會用政治問題話你政治唔正確。呢種「立場先決」嘅邏輯,絕對係會扼殺學生嘅獨立思考,以及辨別黑白、良知嘅能力。呢個政府有幾想殘害我哋嘅下一代,佢哋日常嘅語言已經可以睇得出。

作者 Facebook

(標題為編輯所擬。)

發表意見