立場新聞 Stand News

支持佢個(光)頭?

2019/10/25 — 18:08

【文:論繆】

有人說,支持劉澤基警員嘅言論,因為支持言論自由,就是支持一國兩制;而一國兩制的用處,正是有一邊不能出手的,第二邊就可以代勞。

筆者恐怕不敢茍同。這樣去搞一國兩制,幾多個香港都唔夠死。

廣告

首先,我支持言論自由,即係話我尊重佢出聲嘅權利,我唔會叫人拉佢打佢使橫手嚇佢全家令到佢收聲。但唔代表我要尊重佢嘅言論內容,尤其是關於什麼警隊士氣等等廢話。你覺得出面班失控唔識法律亂打人嘅功夫熊貓要撐咩?佢食唔夠壯陽藥咩?我要撐,都撐班俾其他黑警害到自己都俾人鄙視嘅真正想守規執法嘅警員啦。所以,我會請劉警員不要再為警隊加藥。

其次,大家到呢刻都應該好清楚一國兩制衰喺邊度,就係不停有中國利益影響香港政府官員及議員,令佢哋嘅決策不以港人利益為首要考慮。包括到早幾日都未知蒙面法已生效嘅立會廢物。佢唔係個別例子,佢係代表整個制度受破壞後可以選出來嘅建制廢物可以幾廢嘅典型。今次反送中運動如果換特首和區議會、立法會大洗牌,最重要係以後如何防止中共提供嘅利益繼續令香港行政立法機關變成執行黨國任務或個別黨員搵着數嘅工具。禁止任後擔當國家政職,杜絕國家經費支持的喉舌在港説三道四指指點點干擾高度自治等等,呢啲唔做好,換乜都冇用。

廣告

一國兩制是承認文化上中國跟外國嘅不同,香港是幫中國對外接軌嘅地方,首先作用就係要清楚喺香港超近距離展示文明社會的一套是如何運作。這樣,希望耿爽之流柒出國際都不會柒得太遠。

你要喺香港行使言論自由,冇問題,我地容忍(但唔支持其内容,同你因為受中共利益而發表該言論嘅事實)。而你要喺呢度享受文明社會嘅自由,就唔好喺度搞壞個制度,你咁喜歡祖國果套,請長留祖國。香港應該為世界帶頭守呢條線,但唔係做顛覆中國基地。

當然,這是一國兩制的「初心」。但無論現實要偏離多遠,港人都應搞清自己要守的價值,及要要中國尊重一個兩制時,實質上需要保護的範疇。

發表意見