立場新聞 Stand News

政權開戰 東廠再臨:港府自行釋法,22條不再管轄中聯辦

2020/4/19 — 13:21

作者製圖

作者製圖

各位香港人,啱啱凌晨 12 點政權再一次更改說法,今次竟然大膽承認中聯辦唔係基本法 22 條的管治範圍,徹底推翻過往政府說法。

經過今晚港共政權連續兩次更改新聞稿,我可以好簡單咁同大家講中共而家背後嘅邏輯。

根據基本法 22 條第二款同埋第三款,講到明如果中央各部門要喺香港設立機構要先得到香港政府同埋中央嘅批准。

廣告

咁而家佢話中聯辦唔係「中央各部門」係咩意思呢?簡單啲來講以後中聯辦就係中央,中央各部門指嘅可能係公安局,假如公安局要喺香港成立分部就要先問香港同北京,但大家可以想像如果中聯辦就係中央,咁即係奉天承運皇帝詔曰,以後一見到聖旨就等於見到皇帝,一定要三拜九叩。既然中聯辦等於中央本身,佢當然就唔係「中央各部門」啦。

所以香港正式迎來東廠時代,基本法22條已經冇能力再制衡中聯辦,即是中聯辦犯事都可以有治外法權,凌駕一切。然後中聯辦又可以無限運用新增的監督權,管治香港。西環從此以後可以唔使再偷雞摸狗,名正言順地成為治港新主人。習近平就係中央,中央就係中聯辦,中聯辦就係習近平。各位香港人我哋準備好迎來真.全面管治權未?

廣告

作者 Facebook
 

發表意見