教協宣布解散同日,旺角會所超市大排長龍

【教協解散】會所超市排長龍 退休大學講師:咁中肯都要死,香港冇㗎喇

教協今(10日)宣布解散,旗下會所將暫時維持運作;位於旺角及銅鑼灣的教協會所與平日一樣大排長龍,購買生活用品及家電。加入教協逾 20 年的退休大學講師張先生收到解散消息後,趕到會所購物及拍照留念,對於教協解散,他表示難以相信但理解,「蘋果死都預咗,點知教協咁中肯都要死,香港冇㗎喇」。亦有會員大感可惜,認為教協這個代表多把聲音的最大工會,不容易由另一個團體代替。

退休大學講師張先生知悉教協解散後,隨即趕赴會所購買電器及拍照留念。張先生今午看到教協解散的新聞,當刻認為「根本係冇可能嘅事」,「估唔到咁急轉直下,嚟得咁快」。但他表示理解理事會的決定,認同會方希望有秩序解散,「佢哋唔想突然俾人封艇,三、四百個警察上門搜、搜電腦,甚至俾人拉埋」。

退休大學講師張先生

被問到教協解散的原因,張先生說「呢一年嘅事,都唔需要由我口中講出」,「好嘅要死,壞嘅要死,大砲一出大家都要死,仲有邊個夠膽出聲…教協都要死,身為會員、教師仲點出聲?」對於教協被指是政治團體,他激動地表示作為知識分子,應明白「政治離不開生活」,「點會冇政治?自欺欺人」。

對於教協解散,他感覺非常差,「蘋果死都預咗,點知教協咁中肯都要死,香港冇㗎喇」,又表示自己將會移民。教協在記者會上指過去一星期仍努力走出困境,但無奈看不到前景,張先生直言「肉隨針板上,佢話你係毒瘤,仲有咩可以努力?」

教協解散同日,旺角會所超市人山人海

教師:不易由另一團體取代

加入教協近 30 年、任教大學歷史及政治學系的講師曹先生則表示,對於教協解散感到可惜及傷感,形容是「教師發展歷史的終結」。

他憶述當年入會是順理成章地為了有一個工會為自己發聲,但教協解散令「香港少咗一個好重要嘅團體幫教師發聲」,而教協這個代表多把聲音的團體,不容易由另一個團體代替,「如果(其他組織)代替到,個membership 應該多好多」,又質疑「究竟剩低嘅團體可唔可以做到教協,呢個最大嘅教師工會,呢幾十年做緊嘅嘢?」

對於政府與教協近年的關係,曹先生指出教協創會會長司徒華以往受中央支持,「司徒華死嘅時候都有讚賞,明顯地中央以往同教協嘅關係唔係咁樣,直至近兩、三年愈來愈差」。

加入教協近 30 年、任教大學歷史及政治學系的講師曹先生

教協會員憂日後教師乏支援

銅鑼灣教協服務中心內的超市一樣大排長龍,自助劵類售票機多人排隊,亦有不少人在中心外拍照留念。2015、2016 年間加入教協會員的何先生步出服務中心後表示,對教協解散「唔係幾捨得」,指教協都是專業人士,一直幫助教師,並大讚剛才中心內的驗眼服務十分專業,比街外的驗眼更為專業。

何先生續稱,自己也是剛知道教協解散的消息,對此感到很突然,坦言「上一代過去咗,下一代就冇辦法啦,要避免踩地雷,唯有為佢祈禱」。何先生認為,教協為會員提供的服務很正常,不是太想教協解散。

成為教協會員逾 30 年的吳先生則指,對教協解散深感可惜及無奈,認為教協已存在多年,卻因政治原因解散,十分無辜。吳先生表示,教協為在職、退休教師提供不少福利,在教協解散後將缺少了一個渠道支援教師。

教協解散同日,旺角會所人龍排到街上

編輯推介

    發表意見