立場新聞 Stand News

旺角清場期間不斷持長盾推記者 譚文豪:警察好似食咗藥咁

2019/7/8 — 12:35

立法會議員譚文豪

立法會議員譚文豪

昨晚旺角彌敦道發生警民衝突,警方被指在驅散過程使用不必要武力。昨晚亦在場的立法會議員譚文豪表示,形容昨晚警察行為猶如「食咗藥咁」, 不滿警員一直阻礙記者拍攝。

譚文豪憶述,昨晚與區諾軒議員到彌敦道時,眼見附近只有零星示威者聚集,其餘都是記者。但有警員仍很「抗拒」,持著長盾不斷推前,他有喝道:「唔好推,全部都係記者,你做咩嘢。」一旁有女記者尖叫:「唔好再推,記者嚟嫁!」亦有記者呼喝:「你地停喇,跌底咗!」但警員沒有理會,繼續向前推進,行為就如「食咗藥咁」。

譚文豪又提及,凌晨到旺角麥當勞附近時,聽到立法會議員許智峯大喊:「嗰邊(麥當勞)做咩嘢,(警察)點解唔俾記者入,係唔係打人?」他隨即上前,指附近有三個負責傳媒聯絡的「藍背心」警務人員,但他們就「扮睇唔到」,亦有警司指要請示指揮官。最後他就與記者經後巷進入麥當勞,當時有食客指:「快啲帶記者嚟影,頭先有警察衝咗入嚟,捉咗個人出去打。」最後該名示威者被警察帶上警車。

廣告

譚文豪不明白為何警方如此緊張,由始至終都阻礙記者拍攝。他又反問道,警察想驅散示威者,又同時包抄他們:「你都唔俾條路人走,人地點走?」

廣告

發表意見