立場新聞 Stand News

明信片寄留台抗爭者 太古「和你寫」發起人:需要更多和理非活動延續抗爭

2020/1/10 — 14:24

太古港島東中心外有市民下午 1 時發起「和你寫」活動,在附近上班的梁先生搬來一箱文具和明信片,供路過的市民填寫,寫好的明信片會在 1 月 15 日經由民間收集點送往身處台灣的抗爭者。數十名市民嚮應活動,有人寫好明信片後和梁先生道謝。

梁先生表示,自己作為中年人,感慨近年香港民主和自由的倒退,「97 年嘅時候我哋乜都冇做,依家經濟發展得再好又點,好多嘢都唔同咗。」他認為,區選之後街頭的抗爭活動減少,需要更多和理非活動去延續抗爭,「呢場運動唔會係短期嘅事,輕則幾年,甚至十年廿年,為咗香港嘅未來,做到啲咩就盡量做。」

梁先生認為,今次「和你寫」是支援台灣手足,別有意義:「對於曾經努力過嘅人,無論佢基於乜嘢理由要去其他地方,都值得尊重同支持,想盡力畀到啲關懷佢哋。」

廣告

謝先生帶同分別 10 歲和 5 歲的兒子 Brandon 和 James 到場,準備填寫明信片。謝先生表示,兩個兒子都知道活動的意義,也知道要寫卡的對象是誰,他平日都會向兩個兒子解釋社會上發生的事,「最緊要係畀佢哋知道咩係事實,要尊重真相,會分享我嘅立場同睇法,同時佢哋都會有自己嘅睇法。」

謝先生隨即問 James 對警察有甚麼看法,James 答:「覺得警察好衰,㩒啲人落地打。」Brandon 和應:「仲有亂射催淚彈,仲有浮屍。」謝先生聞言糾正:「有啲案件未經查證,唔可以當係真。」對於流亡海外的抗爭者,謝先生表示,不認為他們是逃兵:「佢哋之前已出過好多力,想同佢哋講,雖然身處海外,但會同你哋齊上齊落,遲啲煲底見!」

廣告

 

發表意見