立場新聞 Stand News

最新國際戰線 —《動森》

2020/4/27 — 20:07

作者 Facebook 圖片

作者 Facebook 圖片

疫症期間,繼上週做完 NHK 嘅訪問後,今日下晝一連接咗三個有關《動物之森》嘅訪問,當中連路透社都有;而某美國大電視台嘅記者,仲誇張到自己玩埋一份,真係用自己個 avatar 拜訪我個島,拜托我帶佢參觀。

疫症爆發期間,好多國際傳媒都要報導世界各地 stay at home 嘅時候有咩搞作,而香港人創意爆燈,真係近乎萬中無一咁樣將個無人島變成示威場地,加上大量標語同埋創作設計,真係成功吸引到好多國際記者嘅眼球。

唔知有無人覺得藉住打《動森》講香港抗爭好小學雞啦,但查實透過打機遊戲嘅流行文化去爭取國際關注香港,能夠捕捉到網民同各地社會嘅關注,好可能比起單純講政治分析只得政圈同埋知識份子仲更加有效。

廣告

依家《動森》繼續成為中國大陸被封殺嘅遊戲,更加象徵到香港嘅獨特定位,港澳就成為咗全中華人民共和國裡面,絕無僅有可以理論上無資訊審查,能夠比遊戲玩家自由發揮創作嘅地方。

廣告

 

(標題為編輯所擬)

作者 Facebook

發表意見