立場新聞 Stand News

有關暴動罪的三個任務

2019/12/3 — 18:24

立場新聞圖片

立場新聞圖片

有條罪,叫暴動罪,6.12 有幾位手足被控呢條罪,之後仲越來越多。

如果你唔鍾意的話,你有三個任務,全部都要做:

  1. 短期:直接向現政府施壓,令到已經被捕的人獲釋,被控的人獲撤控。這是現行法律容許政府做的事。
  2. 中期:修改暴動罪,令到呢條罪不可以隨意用。這件事要做,因為就算完成任務 1,只要條法例未改,政府就算真係放咗人,都可以轉頭又再拉過;這樣無了期增加更多要幫的手足,好唔化算。要改法例先可以停止這個無限 loop。
  3. 長期:普選。只有普選,先確保任務 2 可以真正落實;而只有確保任務 2 真正落實,先可以確保任務 1 真正落實。

見到網上拗了一整日,感到莫明其妙,畢竟任務 2 和任務 1 並不互相矛盾,長遠更對任務 1 有幫助。

廣告

至於搞任務 2 會唔會搶走大家的注意力?好似講「各有各做」已經講咗半年,從來唔會有人問搶走注意力這個問題。試想想,如果搞選舉投訴的、搞街頭抗爭的搶走注意力,大家都不會接受;我理解「各有各做」應該是雙向的,不是自己要求別人接受就可以,人家就不可以要求自己接受。

當然,你也可以話任務 3 未完成,邊會真係做到任務 2?但反轉頭講,做任務 2 正正係為推任務 3 提供基礎,起碼將立法會否決名單當制裁名單用都好。

廣告

最後,點解係修改暴動罪,而唔係廢除暴動罪?因為呢個世界係有「真.暴動」,搞的那個組織叫工聯會,要留返嚟話俾世人知搞「真.暴動」係犯法的。

 

(標題為編輯所擬)

作者 Facebook

發表意見