李慧琼稱齊昕病情差 　梁唐青儀斥：言論武斷　私下揣測

民建聯主席李慧琼上周接受訪問時提到，特首梁振英女兒梁齊昕「病情差」、「同佢媽媽唔啱」。梁振英妻子梁唐青儀今日出席活動時，點名斥李慧琼言論「武斷」，只是「一己私下揣測」。梁唐青儀對其言論感到「遺撼」，又稱曾與她共餐，向她表示齊昕健康狀況好好，「其實佢不清楚內情，唔應該，唔適當作出咁武斷的評價。」

李慧琼回覆傳媒查詢時只是稱，祝願梁齊昕早日康復。

梁唐青儀在公開活動上主動提及，最近有些「個別人士」，對女兒梁齊昕的健康狀況的評論，「對於我同佢嘅關係，有啲比較武斷（評論）。其實佢不清楚內情，唔應該，唔適當作出咁武斷的評價。」

梁唐青儀之後說明該名「個別人士」，就是李慧琼，而李慧琼發表有關言論前一星期，曾與她共餐，「（當時）向她表達過，其實齊昕的健康狀況係好好嘅，我就唔明點解佢會發表啲咁嘅言論，我從來無同佢透露過齊昕嘅病情。」

梁唐青儀指出，李慧琼言論只是「一己私下揣測」。至於李慧琼回覆無線新聞查詢時指出，祝願梁齊昕早日康復。

李慧琼上周接受民主黨前主席劉慧卿網台訪問時，提到梁齊昕的病情以及與其母親的關係，「畢竟齊昕嘅事大家都知、亦好有興趣，齊昕同佢媽媽唔啱亦都係事實，係人都知嘅。據我了解佢（齊昕）病情係好差，梁振英作為爸爸，同佢個囡溝通係好好。」