假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/12/11 - 12:58

林鄭原來咁鍾意補償人

傳媒報道,林鄭繼續與民意為敵的作風,有意邀請已被市民唾棄的一眾親中派區議員出任各種公職,來個垃圾再用。林鄭昨早(10 日)見傳媒時沒有直認,但說親中派選舉失利跟政府民望低有關,向他們致歉理所當然。

林鄭邏輯果然與別不同,政府失政令親中派落選,首要工作唔係回應民意同改善施政,而係繼續與民為敵同補償親中派。平日民主派議員落選,又唔見佢關心人地,利益輸送到出哂面。跟住又話咩唔回應五大訴求係因為唔可以做有違法治嘅事,原來獨立調查係違反法治,真普選又違反法治。我只係知道依家法官判蒙面法違法咋。

跟住佢咁鍾意補償人,當年拆皇后碼頭佢比咩補償?囍帖街有咩補償?菜園村有咩補償?依家香港因為你施政失敗立立亂,你幾時補償全港市民?就算淨係講商界吖,阿首富完全唔關佢責任佢都拎咗幾億出嚟啦,仲要好多小商戶已經收到張 cheque 添啦,你都仲係乜都未做呀。仲未計班比你打傷、打盲、強姦、被自殺的人你幾時補償呀?搵條命都補唔償返啦。

廣告

不過最後,逆向思考,佢咁做都有助繼續 connect 市民反對佢,所以我又唔會阻止佢咁做嘅。同埋大家下次可以宣傳比阿伯阿婆聽:你唔洗擔心唔投票會搞到班親中派議員失業㗎,佢地做唔到議員仲多嘢撈呀。

 

作者 Medium