立場新聞 Stand News

武漢肺炎下,重新發現香港本土最美好嘅一面

2020/10/26 — 15:14

立場新聞圖片

立場新聞圖片

It’s only when the tide goes out that you learn who has been swimming naked.

過去,親中派熱衷推銷一個「北望神州」嘅美夢、鼓勵香港人「背靠祖國、把握祖國發展嘅機遇」。曾經無數人對此深信不移,亦都有好一段年月,香港嘅經濟命脈逐漸被中國支配。

2002 年,中國旅客人數只有 600 萬人,佔整體旅客不足一半。十年後,每年中國客多達 5,500 萬,佔整體旅客超過 75%。尖沙咀有「同胞」隨處便溺、上水有水貨客拖喼碌過。

廣告

大家嘅腳、商場都變哂土豪金去迎合中共劣質美學。所有政策、文化,都日漸向中國人傾側。

結果中國旅客為我地帶嚟啲咩?2020 年,為我地帶嚟咗武漢肺炎。

廣告

喺過去一年,我地失去咗中國客,卻重新發現咗香港原來可以如此美好。

為咗賣奶粉畀中國人嘅水貨鋪執笠,生存落嚟嘅,係大家不停懲罰嘅黃店。

土豪金嘅商場人流前所未有稀少,反而葵廣嘅香港人小店人潮如湧。

再冇中國人迫爆金紫荊廣場,但有香港嘅年輕人重新發掘呢個城每一寸草木嘅美麗。

「香港人嘅精神就係打不死」,係一個幾咁老套嘅講法。過去依賴中國嘅幾年,我地睇唔到呢一種創意同堅毅。但到 2020 年,經濟衰退係不爭事實,但就喺逆境中,我地重新發現香港人嘅迎難而上嘅能力。國泰世紀裁員,逸東酒店第一時間伸出援手,而香港人睇到逸東嘅良心,亦爭相懲罰。

守望相助、互相支持同路人,呢個就係我地所愛嘅香港,呢個就係香港無限嘅可能性。這是最壞但最好的時刻。

喺呢一刻叫苦連天、「血流成河」嘅,係依賴中國、背棄香港嘅親中派、藍店,忽視香港本土價值,終於走到末路嘅一日。佢地日日話黑暴、暴亂破壞佢地嘅生計,結果真正為佢地蓋棺嘅,反而係中國武漢肺炎,反而係佢地擁抱祖國、北望神州嘅心態。何其諷刺,又何其恰當。佢地呢刻或者都喺度後悔,如果當初做一個堅守香港價值、支持香港人、有良心嘅香港人,會唔會喺潮退之時存活下來呢?

唔講咁多啦,係時候落樓下黃店 Cafe 食個 Tea 懲罰下了。

作者 Facebook

發表意見