立場新聞 Stand News

武漢肺炎可能是中共建黨近百年自外部不可抗力最大危機

2020/1/26 — 10:08

【文:Mui Yuet Yan】

呢場疫症可能係習近平掌權以來首次面對嘅管治危機,甚至係中共建黨近百年以嚟來自外部不可抗力嘅最大危機。

一是戳破民眾對於中共、習近平一直建構全能英明、可堪託付(if any)的假像,以至大國崛起、中國夢等泡沫。情況有啲似當年1971林彪出逃死亡,偉大領袖嘅親密戰友、寫入黨章嘅接班人一夜之間變咗謀害偉大領袖嘅野心家,群眾看過中共下發作批判林彪用嘅〈571工程紀要〉打從心底裡覺得裡面講的都係大實話,偉大領袖神一般嘅形象已然破滅,群眾白天批判林彪反黨、高喊「毛主席萬歲」,但夜裡私下卻直罵「毛澤東不是個東西」

廣告

第二係疫症蔓延,全國山河一片紅,各省市地方政府明裡是自顧不暇,暗地裡是設置樊籬自保,或者係受民情影響,又或者係各省市之間的利益競爭同本身嘅牙齒印關係,所有地方主義都蒲晒頭(除咗香港),但中央又力所不及或者唔敢干涉 / 唔知點干涉。

而呢幾日網絡難得放鬆,各地特別係武漢嘅訊息新聞好似井噴咁蜂擁出嚟,似乎係上面剎時間都唔知點應付,或者係上面出咗聲,地方唔敢壓得太勁,尤其依家武漢要物資、要人,就斷無要隱瞞之理,況且想暪都暪唔到,而係成個地方醫療體系根本處理唔到呢種程度嘅爆發。

廣告

btw,江西係老牌紅色根據地,當年中共喺江西建立「中華蘇維埃共和國」。

作者 Facebook

發表意見