立場新聞 Stand News

毫無公信力,繼續講假話

2020/9/6 — 15:12

楊潤雄及林鄭月娥(立場新聞圖片)

楊潤雄及林鄭月娥(立場新聞圖片)

《墊底雙丑》

墊底雙嬌唱雙簧,唱功造手只三幫。
七情上面難入戲,六壬扭盡不壓場。
虛張聲勢充拜相,裝模作樣扮紅娘。
低級紅也高級黑,真身偽演也梅香。

在最近那一場「香港沒有三權分立」的鬧劇中,表現得最出位的當然就是那一位不知道教育為何物的教育局長。佢連自己負責那一瓣都搞到不清不楚,坐正兩年多冇講過一句能夠令教育界信服的說話,只是不斷恐嚇,以出通告來代替教育政策!之前有些學校的管理出了問題,他就畏首畏尾,不敢及早介入,卒之搞到爆大鑊。現在阿爺打個眼色,佢就身先「是卒」,根本就不是在搞教育,而是向教育界進行文革式的鬥爭。

廣告

而且,從一開始佢就以自己的行為講明給大家知道,佢在教育局工作這麼多年,但佢自己都不唔信可以搞得好教育,所以兩個仔女先送了去國際學校,再送了出國。而作出的辯解就更是可笑,「覺得香港教育有啲複雜」!呢句咁嘅說話都講得出,真係頂佢唔順。唔該佢交代一下,他在教育局做了幾多年?

這樣的背景,佢還夠膽出來宣揚國民教育有幾重要,幾咁「必不可少」,根本就是存心陷害香港人的子女,自己的子女首先要避開。現在的修改教科書行動,根本就是歪曲事實,向一般人的常識與良知挑戰。這一次,他就更是飛撲出來,說三權分立不存在。而且說法十分牽強,也漠視多年多年來對有關問題上各界的陳述,包括兩位終審法院大法官的權威結論。

廣告

現在過了幾天,眼見勢色不對,就調整說法,說改寫是因為「相關討論未有共識」,要睇基本法點寫。原來教育就只係睇表面,唔使分析。如果真係未有結論,係唔係應該更加需要作出多元的討論?如果未有共識,咁點解要將有關嘅材料在教育局的網頁下架?教育的其中一個基本原則就是要建基於資料及事實來作出分析及討論!將資料下架,意圖是要為他所說的未有共識來尋找結論嗎?司馬昭之心,講乜都冇用,大家睇得穿!這個小丑水平太低,有什麼資格出來賣膏藥!

至於林鄭月娥就更是無需多講了。她那副咀面乞人憎,說法也是不知所謂!今天有個討論說「佢個仔都幾慘」。但林鄭月娥話過,佢家人都支持佢,因為知道佢做得正確,作出犧牲也在所不惜!佢係想話俾人聽佢個仔深明大義,還是想講俾香港人聽,佢個仔同佢一樣冇得救?她的兒子這麼多年都生活在海外,接觸到大量真實的資訊及較公允的分析,我就不信他對香港發生的事完全跟佢阿媽一樣看法,因為事實上佢令壽堂所講的也是言不由衷。

我都曾經分析過,如果林鄭真係覺得自己做得咁啱,去年就不會曾經在一個商會的飯局中親口講,話自己「犯了大錯,早就應該辭職下台」,也不會動員她在行政會議比召集人向市民發話,要求香港市民「俾多一次機會」。林鄭月娥不是蠢人,雖然佢肯定係衰人,佢自己知自己事。佢話個仔全力支持佢,係咪即係話佢個仔同佢一樣咁衰格?好心啦,我都一路忍口,唔想討論佢個仔,而家係佢自己拉自己個仔落水呀。依家唔係佢個仔做咗啲乜佗衰家,而係佢自己做埋啲衰嘢佗衰個仔!

林鄭及楊潤雄有個共同點,他們都是在「香港民意研究所」的「特首及高官民望調查」中得分最低的其中兩員。這一年來,得分最低自然就係林鄭及律政司長。如果說到問責高官,保安局長及教育局長一直都係叮噹馬頭,齊齊墊底,兩個同樣咁乞人憎,長期都係最低分的兩個。

現在林鄭及楊潤雄攜手合作演出這場爛劇,十足係難兄難弟。他們出來宣傳政府的政策及圖謀,唔使講出聲就已經係注定倒米。現在這兩個墊底雙驕唱雙簧,可以說是慘不忍睹!有幾多香港人仲會相信佢哋?

作者 Facebook
 

發表意見