人在中環 - CK

人在中環 - CK

我係一隻又笨又固執嘅豺狼。著有《人在中年》。

2020/5/22 - 14:24

沉著面對:唔 好 死

資料圖片,來源:Free To Use Sounds @ Unsplash

資料圖片,來源:Free To Use Sounds @ Unsplash

講真,新聞出咗之後,感覺其實真係唔係好大。

當然好多人會講:「挑,預咗啦下話。唔係今日先知,之前嗰年瞓咗呀?」

咁,大家有情緒都唔需要被責怪嘅。即使係「預咗」,到發生嘅一刻都總有點憂傷嘅。我諗經過咗呢幾年嘅香港人,又唔係天真到以為今日嘅事唔會發生(頂多比預計早咗咁解啫)。正如一個喺病床上垂危咗好耐嘅親人,大家都預咗佢不久將來就會走㗎啦,但走嘅一刻,還是會有啲情緒嘅。這個嘛,可以理解的。

廣告

不過哭喪嘅嘢,哭過就算啦。將情緒停留喺呢個階段太耐,冇咩著數呀。人有時總係會不自覺放縱自己,任由自己無限期浸淫喺悲傷嘅情懷之中。唔係想講咩正面思維甚麼正能量呢啲虛偽嘢,但喺風高浪急嘅環境之下,保住求生意志同希望其實係重要的。

大國博弈,我哋其實好被動。我哋冇份埋檯賭,但卻係賭檯上面人家對賭嘅籌碼之一,這才是我哋嘅現實。這個世界上可以真正操控自己命運嘅人唔多,而絕大部份嘅人類,在面對自己人生嘅時候,亦只能 hope for the best。

只係在這個過程當中,最重要嘅,係沉著面對,盡力保住自己條命,唔。好。死。

作者 Facebook

(標題為編輯所擬)