立場新聞 Stand News

派一萬?Min pay 都唔夠呀!

2020/2/26 — 16:06

作者製圖

作者製圖

啱啱政府宣佈咗派一萬蚊。支持度得 9% 嘅林鄭一年時間就搞到香港雞毛鴨血:先係死不撤回,日日用催淚彈打香港人,再係死不封關,日日放任中國病毒毒害香港人。搞到每個香港人都過住戰亂地區、第三世界嘅生活,日日為咗一個口罩左撲右撲,只能羨慕台灣蔡英文政府幾咁領導有方。

呢個時候先嚟話派掩口費,仲要得嗰一皮碎銀唔知等幾耐先收到,就想塞住香港人把口?嗱,錢我地就照袋嘅,但唔會因為咁就忘記哂過去大半年呢個政府嘅種種惡行。大家記得提醒返身邊嘅屋企人,尤其是老人家唔會比呢啲少少甜頭呃到,啲錢係我地納稅人嘅錢比出嚟㗎!

“Taxation without representation is tyranny.”

廣告

呢個不公不義、敗壞無能嘅政權,根本冇資格向香港人徵稅。年年收完我地錢之後淨係用嚟買子彈、比黑警 OT,就係唔係增撥資源比醫護,亦冇能力買到口罩比香港人,咁佢仲憑咩資格 cap 我地水呀!林鄭同港共政權欠我地嘅債,係每人派一百萬,再一死以謝天華都唔夠還呀!

得嗰一皮就想塞住香港人把口?Min pay 都唔夠啦!唔好玩啦呀姐!

廣告

最多我抵諗啲,我比返一皮你,你同三萬黑警一齊共赴武漢唔好再返嚟就差唔多。

 

#不如大家估下今次要等幾多年先收到
#未等到都中咗肺炎啦呀姐
#嘥氣

作者 Facebook

發表意見