立場新聞 Stand News

海港城遭截查 男子:警要求拆「機密信件」 理論被警威嚇告阻差辦公

2019/12/26 — 22:29

網民號召今日繼續「和你shop」,有市民到尖沙咀海港城聚集叫口號,防暴警員兩度進入商場並截查市民。一名聲稱「因為八掛望下」而被警方截查的陳先生向記者表示,警方一度質疑他身上藏有他人物品,一度欲拆開機密信件。他與警方理論時,亦遭警方指要以阻差辦公罪名將其拘捕。

從事保險業的陳先生表示,警方截查他時,指他袋內的一封蓋有「機密」的信件不屬於他,更一度想拆開信件。他向警方解釋信件屬於其客戶的,並向警方表示「你打開冇問題,但你要留返你嘅資料喎,萬一信入面啲資料漏出嚟,我要搵人孭飛㗎嘛」。他向在場傳媒展示信件,稱「識㗎嘛吓話?寫住機密兩個字,唔識英文都識中文啦。」他曾向警方表示私隱不能外流,但警方反指「私隱唔係大曬」。

警方隨後要求陳先生致電客戶確認,他遂致電客戶並要求「開speaker」 但遭警方拒絕,他對此感不滿,「吓?咁我點知你聽咗啲咩,我都要保障我自己㗎」。最終客戶向警方證實信件是他交予陳先生,陳先生繼續與警方「理論」,警方便警告他不要再挑釁及煽動在場人士,否則控告他阻差辦公。

廣告

陳先生稱:「我乜都冇講過,我只係同佢哋辯論。佢哋可能覺得我辯論就係欺負緊佢哋,侮辱緊佢哋智商,因為佢哋唔明白吖嘛,可能佢哋就比較激動」。

對此他表示:「都明嘅,(警員)又蒙面,個人就躁,呼吸又困難,個樣又蠢,行到邊畀人鬧到邊,個心一定唔舒服,(我)完全體諒,但你哋都唔可以打蛇隨棍上亂咁嚟㗎。」

廣告

陳先生續指,他當時「叉起隻手等查身分證」,警方便指他阻差辦公,「我真係唔知我咁樣點阻差辦公,原來我有超能力,我今日先知」。他又表示不理解為何今日會有如此多警員在商場戒備,「警力過剩呀?7.21又唔見人!」

發表意見