立場新聞 Stand News

無否認用閃光彈震撼彈 警:狙擊手有專業訓練,有需要會使用

2019/11/18 — 19:10

昨晚理大之役,有媒體拍到警方疑使用閃光彈、震撼彈等武器,西九龍總區指揮官卓孝業今日在記者會上回應指相關武器是警隊制式常規武器。另被問及理大附近出現狙擊手,卓則稱警隊狙擊手受專業訓練,稱「我哋從來都有呢個能力,如果有需要係會使用」。他又指警方暫未有計劃「攻入」理大,稱「武器喺佢哋(示威者)手上」、「選擇權喺佢哋(示威者)手」。

暫不攻入理大 「選擇權喺佢哋手」

有傳媒問及為何警方不進入校園,卓孝業稱評估理大範圍內有大量武器,不少會燃燒或造成爆炸,進入校園會造成警員危險。此外,卓孝業指若進入校園,警方需要再使用武力才可以制服校內人士,可能會造成嚴重傷亡,強調警隊希望和平解決。他表示:「武器喺佢哋手上,如果佢哋放低武器,離開範圍,我哋可以和平處理,選擇權喺佢哋手,我唯一選擇,係我暫時無計劃攻入去,因為暫時我睇唔到一個逼切需要咁做」。

廣告

未否認使用震撼彈等高致命武器

此外,有傳媒指警方在理大使用實彈槍、閃光彈、震撼彈等高致命武器,並有狙擊手在高處戒備。卓孝業沒有否認警方是否曾使用相關武器,僅指有關武器是警隊制式常規武器。他又指警隊人員各有專長,狙擊手有專業訓練,過往亦曾出動飛虎隊,明言「我哋從來都有呢個能力,如果有需要係會使用」

廣告

卓孝業又稱,香港現在很混亂,「有啲地方嘅人目無法紀」,警方會使用「適當武力」對付。他又呼籲市民切勿前往理大校園,指警方評估該處現時「非常危險」,「好擔心市民懷熱心去幫助佢哋(示威者),會比佢哋扣住,變成人盾」。

 

發表意見