立場新聞 Stand News

無奇不有

2020/9/7 — 13:55

資料圖片,9 月 6 日九龍大遊行,警方大規模截查在場市民。

資料圖片,9 月 6 日九龍大遊行,警方大規模截查在場市民。

行勻全世界,有邊間大公司,好多員工涉嫌影人裙底、經營賭檔、非禮、強姦、偷竊、販毒、虐待、粗暴對待客戶、唔按照員工手册辦事,部份人贓並獲,而大公司CEO、Deputy CEO、COO、CMO、CTO、CXO及眾多部門主管,仲大搖大擺,驚都未過,擘大口講大話,奢言好注重員工質素,以服務客戶為主。

任憑一件醜聞,都會引起關公災難,令公司疲於奔命,甚至倒閉,但大公司一唔搵窿捐,二唔檢討員工質素因乜事咁渣,三唔集體引咎辭職,而集團董事長仲連聲讚好,加薪之餘,翻新俱樂部,大量購置最新設備任員工自己舞,令員工無後顧之憂,淨係出街畀人唾駡,神台貓屎,神憎鬼厭,唾面自乾,好工我自為之。

商業世界,管理階層同埋集團董事局一干人等,按道理畀人炒咗好耐,大公司不特止死唔去,仲加官進爵,薪高糧準。哎吔吔,天下之大,無奇不有,你何曾見過?吾生也晚,但我見過,真係發夢見過。

廣告

作者facebook

廣告

發表意見