立場新聞 Stand News

【特寫】民主派初選首日 多個票站現人龍 市民同聲「無懼打壓」「做得幾多得幾多」

2020/7/11 — 14:18

民主派今、明兩日舉行初選,劍指 9 月立法會選舉 35+ 過半數議席。自民主派公佈舉行初選後,遭遇各方壓力,例如設計投票系統的香港民意研究所昨晚突遭警方搜查,有借出地方作票站的區議員及「黃店」遭警告,更有政府官員質疑初選操控及干預選舉,以至可能觸犯《國安法》。一片陰霾下,多個票站外今天仍一度出現投票的人龍,有 11 時到達票站、排頭位的市民接受《立場》訪問時表示,相信如果這兩天有逾幾十萬人投票,就算政府要秋後算賬都「拉唔晒」,又指無論民主派最終在立法會發揮的能量如何,初選投票是「盡人事」,「做得幾多得幾多」。

在港島的西灣河投票站,排頭位的潘先生向記者表示,自己早上 11 時多已到場等候。潘先生說,今日難得仍有投票機會,民主派初選可以反映民意結果。至於「民主派議席 35+」力量是如何,他笑說現時香港社會氣氛差,不會有甚麼寄望,「否唔否決到財政預算案就看天命、盡人事啦,做得幾多得幾多,唔好 set 個目標俾佢,咁就唔會有落差心態。」

國安法實施後,社會籠罩一片白色恐怖,潘先生認為:「幾十萬人投,佢實拉唔晒嘅,反而愈多人愈安全,好少人搞先危險,力量較大就會有一個保護。」

廣告

今日中午烈日當空,40 多歲的張先生前往新墟的票站投票。他批評,昨日警方到香港民調研究所調查是警方和政府對市民打壓的重大證據,市民已無退路,「無得驚嫁啦,政府一早打壓咗我哋好耐。」問及會否擔心投票觸犯國安法,他笑言,「唔驚,咁佢要捉好多人,邊捉得哂?」。

不過張先生亦坦言,自己對民主派 35+ 不抱太大希望,「功能組別方面未必能得到足夠議席,但盡力啦,珍惜我地嘅自由同權利,今次可能係最後一次有得揀,之後民主派嘅人比人 DQ 哂,到時票都無得比你投。」他續指,就算擔心候選人被 DQ,亦不能因此放棄自己投票的權利。

廣告

市民:國安法已是最壞 「冇得退㗎喇」

對於有指初選違法,在觀塘翠櫻樓票站投票的 Y 小姐,則直言不能擔心太多,「香港人一定要行出嚟㗎啦,冇得退㗎喇」,「冇得擔心,佢依家推左呢樣嘢(國安法),最壞嘅嘢已經出左嚟」。不過她擔憂初選支持的候選人有可能在未來被取消資格,「好似上屆遊蕙禎,希望佢地今次smart啲,投得俾你,你入左去,你係幫我地發聲」,她又說今次的投票方向和去屆相同,「一向都係咁諗,唔會因為你突然間做左啲嘢而改變我諗法」。

有市民表示約 6 分鐘即完成投票 

50 多歲的 Flora 前往民主派初選票站,在大約 6 分鐘之內已經完成投票程序,未如想像中繁複,身邊亦有樂意幫忙的義工協助下載軟件等。

她表示,即使過往支持民主派「但有陣時其實都有啲失望嘅。可能有時佢哋唔夠團結,有啲分散。」她期望透過今次初選能選出團結一致的民主派陣營,「好多時係俾建制派嗰種團結,就算我哋支持民主派,好多嘢佢哋做唔到。」

至於早前曾國衛指初選或違反國安法,Flora 說不擔心,「呢個講法唔成立囉,香港人根本有權投票。」她又引述政府指,國安法不會影響大部分港人,認為若警察在初選就用國安法執法,「咁講嘅話即係影響晒全香港嘅人啦。」

65 歲的張女士說她忘記了帶住址證明,不過留下個人資料後亦允許投票,她不認為投票過程太複雜,「都OK(可以)啦,太過方便又好兒戲」,又說有現場職員協助她使用網頁投票。她又笑說「有得投票好投喇,冇乜投票機會㗎啦嘛,我好鍾意投票㗎」,「佢越打壓咪更加要投票,佢就係驚人地民意多」,她又說會投票時會考慮候選人的地區工作表現,「佢對大家巿民嘅關心,我地都係地區上多接觸,親切啲就會投佢囉」。

支持者:會投年輕參選人

九龍西選民趙小姐來到佐敦的票站投票,表示希望投選較年輕的參選選人,認為舊的參選人去到某個位就不會再有進步,是時候讓新人加入議會,又稱新人可以走「國際線」。她又表示,投選議員,當然希望他可以在議會發聲,但往後政府會否有其他打壓則不得而知,也不能擔心太多。

被問到會否擔心今明兩日的投票再遇阻撓,趙小姐稱,「過往無論投票定做咩都好,我地幾百萬香港人其實遇咗會有打壓,但我地唔可以因為政府無理嘅打壓而退縮,應該企出嚟爭取香港人本身有嘅權利」,認為愈退縮政府打壓就會愈大。

24歲的陳小姐亦認為投票過程順利快捷,她說自己並無參與上屆的立法會選舉,但經過過去一年的社會運動,令她意識到自己手上的一票很重要,「票企番嚟,唔可以再做啲人口中嘅『港豬』」,「呢個係關乎香港嘅未來,我地下一代嘅年輕人」,她又說不擔心投票後會被秋後算賬,「因為我相信今日一定會有好多嘅人出嚟投票,我地咁多人團結就係力量」。

趙小姐

趙小姐

投票時間延後有市民撲空 憂警方擾亂票站

警方昨晚持手令搜查香港民意研究所辦公室搜查,一度指要撿走所有電腦。協調初選的民主動力深夜透過社交媒體公佈,警方搜查工作導致準備工作延誤,今日投票時間延遲至中午 12 時開始。今早在各區票站,均有市民一早到場欲投票,到場後才發現「摸門釘」,有市民表示擔心投票會遇阻濟,因此特意儘早投票。亦有市民表示,擔心警方在今日稍後時間會以各種理由擾亂票站,已準備以「打游擊戰」方式投票,「呢度投唔到咪去第二度投」。

吳先生今早帶同兒子到黃埔街站,他接受訪問時表示,剛剛詢問街站人士,才得知初選改至正午十二時開始。居住黃埔區的他指,本來已打算前來附近街站看看,並帶小朋友去吃點東西,再來投票。

吳先生稱,擔心稍後時間警方會以各種理由如阻礙街道等擾亂票站,坦言準備「就好似打游擊戰咁,呢度投唔到咪去第二度投」;亦指若今天無法投票,明天亦會出來投票。

至於有無信心爭取到民主派 35+ ,他認為仍有好多未知之數,例如立法會議員宣誓時可能要表明效忠黨、支持國安法等。但他稱目標是要民主派人士進入立法會,不被 DQ,為港人發聲。

吳先生又表示,現時港人言論自由已被嚴重打壓,作為香港人,他希望透過初選,支持民主派為港人發聲。他表示自己十分反對國民教育,認為中共政權將「溝淡」下一代香港人,藉「洗腦」教育將內地的價值觀搬到香港。他指情況是越來越離譜,從公務員宣誓等可見,香港將與國內沒有分別。

吳先生

吳先生

市民指憂有阻滯「儘快投左先」 批警方恐嚇市民阻投票

市民余先生於 9 時已特意前往龍門居和樂翠區票站,惟票站仍未開放。問及為何早於 9 時前往投票,他指,早預料票站會遇阻滯,所以想在更早時間「儘快投左先」。

對於昨日警方前往香港民意研究所作搜證工作,余先生則認為警方明顯是打壓和恐嚇市民不要前往投票,但他表示不會害怕。余先生表示,相信通過是次初選,35+的目標會達成,亦會儘其能力支持,「做得幾多就幾多啦。」。

余先生又指出,不擔心投票會違犯國安法,「依家拎張白紙都犯法嫁啦,點擔心到咁多,我都有仔女,如果驚,我都要為我仔女著想。」

余先生最後表示,連去兩個票站未開放亦不會氣餒,他將回家等待至 12 點票站開放。

余先生

余先生

支持者:有冇用都要做

早上 9 時多,在油麻地一個票站有市民來到希望投票不果,50 歲多的伍小姐認為,除了初選以外已沒有其他方法表達民意,所以「有冇用都要做」。至於日前初選被指違法,她則感歎,現在甚麼都是違法,不聽中央話就是違法,認為初選並沒有分裂國家的意圖,「其實大家初心都係想要個公道啫」。

她又不認為初選的行政混亂,反問「而家係邊個搞亂?大家都好清楚而家香港係邊個搞亂」。

發表意見