立場新聞 Stand News

現實世界仲有好多嘢可以做 不用做網上金田一

2020/12/6 — 13:40

許智峯

許智峯

許智峯流亡,想不到又牽出一個過去一年多次發生的現象:網上金田一。一時間,出現一大堆「分析」問為什麼他沒有事先轉移資產,沒有甚麼甚麼準備,等等。

以前有學生搞活動,請在重慶大廈的真難民來做分享,倒沒有人夠膽向他們這樣發問。唯一相關的,是有學生問為什麼他們選擇來香港,我好記得其中一位這樣回答:「我當時生死之間只得一天時間,到我趕到機場的時候,我還以為我要逃到英國的;接頭人給了我一張香港機票,那時候我連香港在哪處我都不知道,但你說我上不上機?」
好多事情,當事人比你還緊張,旁人其實可以少講兩句。

這不是個別的現象。過去一年網上各式各類的「分析」以至互相質疑都很多。我要用括號引著「分析」二字,因為這些討論很難稱得上是真正的分析,畢竟往往連基本事實都欠奉或搞錯。我理解,今時今日,大家都好想繼續「做啲嘢」。冇得上街,做網上金田一可以獲得好多參興感;但,也會帶來好多誤判同破壞。

廣告

仲記唔記得「靜靜雞」呢三個字?如果你真係有第一手消息,幫到人的,例如死因庭研訊做人證,當然可以企出嚟;但都唔會係網上講,而係搵記者、律師,讓他們去跟進,去做專業的調查。至於網上面冇頭冇尾的消息或圖片,唔好分享,保持謹慎。這也可以是一種「靜靜雞」。

如果真係想「做啲嘢」,其實仲有好多現實世界嘅嘢可以做,不用做網上金田一的。十八區社區報,大家可以報名做義工幫手派發;囚權工作也要義工,要人旁聽,要人寫信⋯⋯真係做緊嘢嘅人,係唔會得閒響度拗交的;如是者劣幣驅逐良幣,網上討論就越來越低質。

廣告

所以,還是建議大家「見字飲水坐直」,最少有現實世界的意義。

(標題為編輯所擬)

發表意見