立場新聞 Stand News

病毒政權

2020/4/3 — 23:12

吳敏兒 Facebook 影片截圖

吳敏兒 Facebook 影片截圖

今日呢個記招原本打算響立法會門口做,但就係俾警方以禁止羣眾聚集為由建議取消,轉為立法會開。不過好諷刺嘅係,我行嚟嘅時候經過公民廣場門口,就影到一大班建制派超過四個人企響度做記招而無被警方「執法」。真係好大嘅官威啊。

林鄭月娥口講「港人同心抗疫」,我就話你「港共施政不力」。口講啲人唔自律就對唔住醫護,咁我想問你將呢個病毒連職業病都唔當係,又對唔對得住一眾打工仔同醫護啊?

封關,係醫護人員嘅訴求,佢哋關心香港人嘅健康同埋安全。隔離,係林鄭月娥政府,因為無聽醫護訴求,令到社區爆發後嘅補救。

廣告

好多行業都響疫情影響之下繼續運作。比如酒店服務業。有唔少受隔離嘅人都會選擇去酒店隔離,避免同屋企人接觸。結果最鍾意外判嘅政府,就連防疫嘅重任都外判埋比酒店同埋保護裝備不足嘅員工。

航空界有打工仔接觸過疑似確診者,公司竟然比佢繼續飛。如果佢不幸確診呢?咁就變成向其他地方播毒嘅幫兇,而兇手正正係呢個政權。

廣告

香港嘅打工仔喺林鄭嘅眼中只係一件消耗品,而林鄭嘅防疫措施響我地眼中,都只係一個笑話。假若香港渡過呢個疫情,都係靠香港人自救,而唔係靠林鄭月娥你!

 

作者 Facebook

發表意見