立場新聞 Stand News

癌症病人撐醫護罷工:政府失策 市民受難 「最好係連啲警察都罷工啦」

2020/2/3 — 12:21

醫管局員工陣線今日(3/2)發起罷工,要求政府封關,禁止所有旅客由大陸入境。有癌症病人表示,支持罷工行動,又指政府遲遲不做果斷有效的決策,令所有市民受難。有癌症康復者說,醫護的行動都是為了市民,最好連警察都加入罷工。

患有癌症,正在接受化療(圖右)黃女士,今日前往威爾斯親王醫院抽血,她表示,醫護罷工多少會影響醫院服務,但她可以理解,又指今日的醫院安排尚算順暢。

黃女士又指,她支持醫護罷工,並認為是政府不封關迫到醫護罷工。被問及如果罷工行動升級,會否擔心醫院緊急服務會受影響,黃女士則表示不擔心,「去到今日為止,政府都唔去做決策,受難嘅都係市民,包括醫護人員,醫護係話用最激烈嘅方法,話俾政府聽呢個時候係最危險㗎啦,咁政府可唔可以做一個決定呢?」

廣告

對於如罷工持續,會否影響她的化療進程,黃女士則指「政府又好,醫管局又好,去到今日都唔做決定,我諗佢都係撒手唔理啲市民,等你哋生死自己決定。」

在伊利沙伯醫院日間康複中心新翼,有工作人員擺街站讓參加罷工的醫護簽到,途徑街站的癌症康復者鄺先生表示,理解及支持醫護人員罷工,「其實香港政府唔封關係唔啱,佢地(醫護)嘅罷工 mainly 喺 for 香港市民。宜家最好係連啲警察都罷工啦。」

廣告

鄺先生認為,醫護人員罷工旨在為香港大眾爭取時間,避免疫症在社區內爆發,要求封關並不過分,「呢個都係俾壓力香港政府,唔係有咩私心嘅」。鄺先生表示,或許醫療服務「或多或少會受到影響」,但責任始終在政府身上,「呢個係香港政府可以解決到嘅問題」。

鄺先生又鼓勵罷工的醫護,「呢件事係啱嘅事黎,無錯就做返自己認為喺啱嘅嘢。希望佢地可以堅持到底」。

病人家屬:理解部分醫護情緒

鄭媽媽

鄭媽媽

陪同媽媽到醫院進行電療的鄭小姐表示,支持醫護罷工爭取訴求,亦認為醫護人員會以病人權益為優先,「佢哋內部會作出協調,最多都係等耐啲,無所謂嘅,幾日姐。」鄭媽媽亦理解部分醫護情緒,「佢做個行佢自己都擔心自己,佢屋企人都會擔心佢,可以理解。」

 

 

發表意見