立場新聞 Stand News

登記功能界別選民 — 批發及零售界篇

2019/12/3 — 21:26

區諾軒、伍永德(作者 Facebook 圖片)

區諾軒、伍永德(作者 Facebook 圖片)

一直有朋友 inbox 我,問我點登記做批發及零售界選民,使我冥冥中覺得,有唔少人想做啲嘢。

希望唔係潑大家冷水(林鄭,2019),個問題係你要入商會,並且選舉事務處有條規定係「你必須在緊接你提出登記申請前的 12 個月內一直是該團體的團體成員或會員,並一直維持運作。」

下年立法會選舉選民登記截止係 5 月,換言之,你要成功登記本身要係今年 5 月已經加入並成為生效會員。所以而家登記,難以趕及於今屆立法會選舉投票。

廣告

咁係咪入嚟無意思呀?當然唔係,仲有選委會選舉,仲有日後的立法會選舉,我地成日都話,咩方法都要試。如果要做選民,就要係界別內八十多個商會中加入其中一個,交足會費,然後向選舉事務處申請登記。

入咩會好?

廣告

首先請各位理解,八十幾個會,大都親自由黨或建制派,你行業申請加入該會之前,請開下佢網頁,search 下背景,你大約掌握咩底。

比較大嘅商會,當數 (2) 旅遊服務業協會、(59) 香港零售管理協會有限公司,前者做開零售好可能申請過旅遊Q嘜認證。主事人與自由黨系人馬較熟絡,係上屆功能組別選舉,雖然我一度加入過香港零售管理協會,佢地亦公開推薦自由黨對手,但好處係行業百搭,跟足程序申請,都能夠順利取得會員資格。

其他主要行業商會包括:香港食品業總會(食品零售批發)、香港中成藥商會、香港中藥業協會(藥房/中藥製藥),特別是香港化妝品同業協會,主要化妝品連鎖店、美容店以及理髮店都在這個界別以內。要特別留意的是:

會員資格 — 填表入會前,問請楚會員資格,是否有資格登記為功能組別選民,有些會會籍繁複,未必能登記為選民,入咗會但無得登記就唔抵。

會費 — 幾百到幾千都有,我一直批評與「買資格」無異,但多揀幾個,找個較容易便宜的吧

低調 — 人家都一定會監察會員情況,保持低調,沉默入會最好,免招麻煩。

我三年多前參選,基本上這界別,幾乎沒有人願意開名具名支持,但選舉結果也有三分之一選民支持,德不孤,必有鄰。如果有咩查詢,可以另行與我聯絡。

(有點 miss 伍永德!佢當年選飲食界,飲食界反而比較少「12 個月會籍」的問題,有食物牌照過去 12 個月經營已經合資格登記)

 

作者 Facebook

發表意見