立場新聞 Stand News

百萬人大遊行一年後,香港人,你過得好嗎?

2020/6/8 — 22:50

6.9 大遊行

6.9 大遊行

聽日就係 6 月 9 號喇。

梁凌杰、梓樂、彥霖,以及一眾喺遙遠世界生活緊嘅朋友,你地還好嗎?香港人都好掛住你地。

呢一年,係好多香港人一世過得最漫長嘅一年。

廣告

由外科口罩,N95,到豬嘴;

由白衣,走到黑衣,再走到街坊裝雜色衫;

廣告

由藍色軍裝,到綠色防暴,再到黑衣速龍;

由香港人加油,到反抗,到復仇;

由舉高雙手,到推撞鐵馬,到勇武抗暴;

由我要真普選,到五大訴求缺一不可,到光復香港時代革命;

由 6.12,到 7.21,到 8.31,再到理大攻防戰;

由夏天,到冬天,再到夏天;

由香港人,到香港人,再到香港人。

我相信香港人一直都喺度。

一年喇,你過得好嗎?

我地都過得唔好。

好多手足被捕、犧牲,好多抗爭者受傷,好多香港人有創傷後遺、抑鬱。

但同時我地有多咗好多國際盟友、聲援,有逐漸壯大嘅黃色經濟圈,有 Be Water 嘅哲學深入民心。

我地失去咗好多;但同時得到咗好多。

一年過去,每個人都多咗痛苦,流咗更咗多眼淚,甚至有親愛嘅人無辦法相見。

但我地都無悔為香港抗爭,喺時代浪尖,繼續堅持初心,為身邊嘅手足而奮戰。

聽日就係 6 月 9 號百萬人大遊行一週年,雖然無法有個安全、合法嘅遊行,但之後我地會有更多人抗議、上街,會有人冒住風險繼續發聲。

風險好大,代價好大,但我哋都知道香港人係無得退。

香港人,重拾一年前嘅衝勁同埋鬥志,面對一場更嚴峻嘅仗,好嗎?

矢志奪回香港。

 

#反對國安惡法
#百萬人大遊行

作者 Facebook

發表意見