立場新聞 Stand News

真正的「階段性勝利」— 黃色經濟圈的幾點思考

2019/12/30 — 10:51

被視為支持抗爭運動的「黃店」,近日經常大排長龍。(資料圖片)

被視為支持抗爭運動的「黃店」,近日經常大排長龍。(資料圖片)

近日,一眾藍絲包括施永青、陳健波、邱騰華等,三番四次出場批評黃色經濟圈。大家好似被批評到冇哂心機、覺得搞黃色經濟圈係錯嘅,甚至有些晦氣之言「你咪由得我囉」。我想同大家講:完全唔係呢回事!!一眾派膠藍絲完全認證黃色經濟圈行動已具成效,是真正的「階段性勝利」(笑)!

首先,偉大革命家毛澤東教路:「如若不被敵人反對,那就不好了,那一定是同敵人同流合污了。如若被敵人反對,那就好了,那就證明我們同敵人劃清界線了(〈被敵人反對是好事而不是壞事〉,1939 年 5 月 26 日)」。毛澤東是我們的領袖同舵手(曲),不嬲都是緊遵佢教導㗎嘛!呢個道理難道大家不明白嗎!而家見唔見到敵人好 L 驚呀!當黃色經濟圈剛興起之時,坊間甚至政府官員都沒有在公開場合討論。簡單而言,他們根本不相信黃色經濟圈的成效 — 但半年過去、不少公司的股價同業績,都反映咗一點,黃色經濟圈係好有效的抗爭方式!

其次,歸根究底,搞藍色經濟圈先嘅根本就係佢哋。大家諗下,當我哋要罷食藍店嘅時候,都發覺唔係一件容易嘅事。好多大財團都係藍色資本,佢哋難道不是壟斷香港的經濟命脈嗎?由上而下搞藍色經濟圈先嘅,根本就係佢哋;只不過而家我哋所做的,係由下而上搞嘅黃色經濟圈咋嘛。有乜問題?更可乘勢打破大集團大財團壟斷市場的局面。而,梁振英根本就是帶頭想搞藍色經濟圈的始祖。君不見佢之前日日 Po Facebook 請大家抵制黃店?我們都只是緊隨領導的教訓咋!!~

廣告

最後一點,就係根據自由資本主義社會法則,個人如何用錢完全係由個人與市場決定,其他人甚至政府根本冇權阻礙。當黃絲堅決要懲罰黃店、但藍絲根本冇呢一個決心同毅力罷食黃店、支持藍店。嗰 40%「沉默的大多數」,根本就是「打咀炮」加「念力」救港,連「幫襯下藍店」呢個舉動都唔願意做。故此,黃色經濟圈能夠成功嘅機會因而大增。由此可見,黃色經濟圈嘅策略係十分成功!而且此舉完全不違法、無須送頭、無須狗咬,啲膠官仲好驚添!何樂而不為?

坦白講,我唔係讀經濟,一開始搞黃色經濟圈,我完全唔知咩嚟,作為黃絲亦只是實行咁解,我甚至無特別想過究竟「呢件事係咪 work」。但現在,啲膠官已經為我們告訴答案 — 是非常之 work,work 到佢哋而家驚到瀨屎。我覺得大家低估咗黃色經濟圈的影響力 — 當膠官不斷話「你哋咁做真係唔啱啦」、不就是用另一方式,請大家「高抬貴手」、「求下你哋咪撚再咁搞落去」啦?

廣告

唔咁搞?無問題,正面積極回應五大訴求就得啦。看就要看大家有沒有「恆心」與「毅力」就是了。

發表意見