立場新聞 Stand News

【睇片】鄧炳強與成龍、譚詠麟搭膊頭飯聚 朱經緯在席 譚詠麟:政府靠你哋啦!

2020/2/17 — 15:48

圖片素材來源:網絡片段截圖、網絡圖片

圖片素材來源:網絡片段截圖、網絡圖片

今天網上流傳一段警務處處長鄧炳強,和一眾明星足球隊藝人晚宴片段。席間幾位知名影星包括成龍、譚詠麟及曾志偉都有現身,鄧炳強就指自己是「睇吓睇吓」成龍和方中信等影星飾演警察,才識做警察,又說自己在區議會上「講嘢咁叻」,是因為參考曾志偉《開心字典》。另外這場晚宴上,因為毆打途人而被定罪入獄,現已出獄的退休警司朱經緯,亦在席中。

影片沒有交代晚宴時間、地點,但晚宴場地寫有「晨曦明星足球隊」。晨曦明星足球隊其實即是廣為大眾認識的明星足球隊,不過由拒絕加入港超聯的前甲組球會晨曦冠名贊助,晨曦會長周文曦亦在席上。

廣告

回說片段,除了眾多影星外,亦見到警察公共關係科總警司郭嘉銓,以及已調職的警察公共關係科前總警司謝振中的身影。而席間的藝人亦非常多,包括方中信、林國斌、衞志豪、盧惠光等等。鄧炳強身穿西裝到場,他指先多謝晨曦及明星足球隊,「今晚同我哋踢波同埋食飯」,所以相信晚宴是警察足球隊和明星足球隊友誼賽後的晚宴。

鄧自認區議會講嘢叻 因為睇曾志偉節目

廣告

鄧炳強講話時指,「先多謝警隊的兄弟,因為佢哋好撐我。」而當鄧說這句時,旁邊拿咪的譚詠麟說「政府靠你哋啦!」接著鄧炳強指自己當晚好興奮,因為見到好多偶像,「我個心跳得好緊要」。鄧其後又指自己到區議會「講嘢咁叻」,「因為睇(曾)志偉果啲《開心字典》。」說畢現場人士一起大笑。

開心字典是曾志偉和林敏驄於1990年合作主持的亞視節目《開心主流派》,其中一個環節,現時在youtube還可翻看當年節目的片段。

其後鄧炳強又指自己「做警察是學成龍大哥、方中信」,又指自己唔識做警察,「睇下睇下就識做」。然後鄧炳強又笑指自己「好憎」譚詠麟,「因為我老婆好鍾意你......其實我都好鍾意你」,說畢和譚詠麟抱拳握手。最後他指和明星足球隊是「老友記、在心中」,又指只要「大家畀個手指公我哋,赴湯蹈火在所不辭」其後全場大聲歡呼叫好。

另一片段就見到,譚詠麟和成龍等和鄧炳強一起高歌一曲《朋友》。片段沒有交代晚宴時間,未知是否近日武漢肺炎肆虐期間,仍繼續的室內多人聚會。

而在連登網上一個帖子中,登出多幅因襲擊途人而被判囚的退休警司朱經緯,和多位出席當晚宴會的藝人,以及和警務處處長鄧炳強,和警察公共關係科高級警司江永祥的合照。《立場新聞》已就晚宴的時間、地點、性質,及警方使費問題,向警察公共關係科查詢,正待回覆。

發表意見