立場新聞 Stand News

祈求平安渡過今晚、後晚、每一晚

2019/11/18 — 1:19

作者 Facebook 圖片

作者 Facebook 圖片

對好多人嚟講,從來冇諗過喺大學範圍入面,係會感受到生命有危險,甚至可能冇啦啦被捕或者死咗喺入面。

呢一刻仲好風平浪靜,但大家都知暴風雨前夕係最風平浪靜、黎明嚟之前嘅黑暗係至撚黑暗。呢一刻,有人選擇一鼓作氣堅持死守、有人繼續照顧身邊嘅人、有人想離開但冇哂出路、亦有人喊住咁寫定遺書。

其實大家呢一刻都只可以喺度等,無止境喺到等,等離開、等安全、等被捕……

廣告

從來冇諗過,可能今晚之後就冇之後。可能好灰,但事實真係好多人咁諗。

驚就輸一世,其實都用嚟壯膽嘅說話。你估記者唔驚呀?你估 FA 唔驚呀?在場所有人都驚,係驚撚到仆街嗰一隻。但可以點呢?冇㗎,大家都當呢一場係決賽咁打,殺到嚟呢度就冇得退,盡人事之餘,亦只能聽天由命。

廣告

呢排成日聽人講:好人會一世平安。但我亦聽過人咁樣講:好人唔一定會平安,但好人一生可以心安。只有心安,至可以一生平安。

希望每一個好人,無論你身在何方,都可以平安渡過今晚、後晚、以後嘅每一日。

 

(標題為編輯所擬)

作者 Facebook

 

發表意見