【立法會爭位】獲新相識胡定旭提名 潘焯鴻入到閘:我哋越講越投契

「完善選舉制度」後立法會選舉提名期倒數 3 日。中科興業董事總經理潘焯鴻前日(8日)則表示有建制政黨背景的選委「基本上唔睬我」,不過今日(10日)成功取得 11 票報名參選港島東,並獲全國政協常委胡定旭提名。潘焯鴻接受《立場》查詢時形容自己為「中間偏黃派」,並稱爭取提名前並不認識胡定旭,但會面後兩人意見相近「坦白講越講越投契、開心。」

對於兩人是否有交情,潘焯鴻稱並不認識任職全國政協常委胡定旭,指曾將履歷以電郵傳送給各候選人,及後獲胡定旭回覆,雙方在周日約定前日(8日)見面。潘指,兩人有不少意見相近的地方,「星期一見面,佢有睇我網上直播,問返部份內容我嘅睇法、點解我會咁講,問咗沙中線成件事的立場.......坦白講越講越投契、開心。」

稱從前未有機會接觸

潘焯鴻又指,胡定旭一直有留意並欣賞他,惟未有途徑接觸自己,「佢話一直都有留意我,(節目)久唔久有聽,部分話題佢 Agree(同意),佢都會覺得報章未有大報道,我已經有講緊。(胡定旭認爲我)依個人都睇得幾前、幾貼,曾經想過搵我但係冇任何方法、契機,今次(提名)就係依個契機。」

澄清立場為「中間偏黃派」

對被稱爲「非建制派」,潘焯鴻澄清自己是「中間偏黃派」,對「非建制派」的稱號感到侮辱,「我光譜就中間偏黃,肯定㗎啦,無謂去痴人哋光環…….我反而希望大家留意個人表現本身個素質,過去幾個月有邊個夠膽鬧政府,除咗我之外,邊個香港嘅人可以隨便攞政府一啲行政政策鞭撻?」

繼續入議會「打契弟」 稱出賣港人利益就是契弟
在去年宣佈參與九龍西地區直選時,潘焯鴻曾在沙中線紅磡站外表示要「尋公道 打契弟」。他今日再次强調要「打契弟」,「港鐵契弟打硬佢.......出賣香港人嘅利益或者利用香港人利益去自費就係契弟。」

潘焯鴻日前表示爭取提名「難過登天」,有建制政黨背景的選委「基本上唔睬我」,有提及曾傳送 300 多個電郵嘗試聯絡選委。他今日較早時則指,透過商界人士介紹情況已有改善,取得多張提名票,而在取得第一張人大選委選票後,爭取第二張選票相對容易,「有幾個都肯見面,肯 interview」。不過,他表示有多名曾口頭承諾提名、建制政黨背景的選委臨時變故,部分更「態度唔係幾好」,多次在會面前「放飛機」。

 

編輯推介

    發表意見