立場新聞 Stand News

【粗口文慎入】我同你講:你啲醫管局高層唔死都冇用

2020/2/8 — 16:57

醫管局行政總裁高拔陞

醫管局行政總裁高拔陞

我同你講:你啲醫管局高層唔死都冇用。以下列出你地嘅四大罪狀:

  1. 配合政府道德勒索:做得醫護,雖然唔係每一個,但唔少都係頗有使命感。竟然道德勒索醫護,要求佢地為呢個政權的錯誤負責?林鄭仆街、你地又跟住一齊仆街?我想問你地中間有無個智力與良心正常的人?
  2. 學政府玩語言偽術、為虎作倀:之前姓高嗰條茂利講咩「唔知咩叫全面封關」,我屌你老味你讀屎片㗎?同我玩嘢?罷工嘅每一位都係將香港嘅命運、將自己嘅前途擺上枱 — 外國人地罷工係為加薪、為自己權利;佢地罷工係為咗要求你呢個無良政府負擔自己嘅責任咋。佢地全部都係道德高尚嘅人,你班狗高層唔該摸下自己有冇良心,係咪俾狗食咗?
  3. 有事鍾無艷,無事夏迎春:香港醫療壓力有幾大大家不嬲都知。有事就要醫護出去死、無事無幹就 cut 大學醫療經費。而家要抗疫,又問番醫學生無償義務工作當做實習,喂你面皮幾多尺厚呀?早排唔係話大學生係暴徒咩?理大之戰唔係捉咗好多本來是醫護的 first aider 咩?依家又喺邊間大學幫手整可重用口罩同酒精搓手液??推而廣之,其實政府對大學生又好、定係政府對人民都好,根本都係用呢種態度 — 真係要有幾無良知先做得到?!
  4. 完全當你啲員工無到:幾千人等咗幾日、叫口號乜乜乜,做咗十幾年的員工,都已經跪喺度、暈低亦有之。你班狗高層,毫無惻隱之心,鎖電梯鎖樓梯玩 Hide and Seek?呢啲根本唔係人嘅行為 — 你夠膽就咁教你個仔,用咁嘅方法去面對問題呀?!仲有,香港人本身就係有罷工嘅自由。講咗好多次,醫護罷工係為咗「要求封關」而唔係「驚死」,你老味唔識聽廣東話呀?

班醫護無用粗口鬧你地、平時我都十分克制,未試過寫篇文咁多粗口,但真是用粗口鬧你地都根本便宜咗你班垃圾。我同你班仆街講,善有善報惡有惡報;若然未報時辰未到。你地係要做林鄭嘅走狗、泯滅自己嘅人性、呢個係你嘅選擇;但你地也會被全港市民鄙視同唾棄、名譽掃地!!!!

個人而言,我都支持停罷工,原因如下:

廣告
  1. 而家封關已經太遲,個政府仲一日到晚放人落嚟,社區爆發是遲早的事。
  2. 一聽到政府話兩日後先 14 日強制隔離,仲要個「強制」原來係咁「自願」,就知道而家佢係同你玩爆陰毒。唔夠裝備要你出去打仗,唔肯打又道德勒索你,係擺明想香港醫護死,「公我贏字你輸」嘅概念。
  3. 面對呢個麻木不仁、漠視民意的垃圾政府,無必要繼續以自己的命途作為代價罷落去。我相信你班仆街係會清算罷工醫護。我真係諗唔到可以做乜,除咗起班狗高層底之外。

我只是覺得,「光復香港、時代革命」,到而家仍然是最啱 — 只有民選政府,先最能夠代表到人民聲音。單就區選一役嚟到而家抗疫,就知民選嘅真意是幾咁重要;如果當時又是選番民 X 聯啲狗入去,你估有無口罩派?口水就有滴!如今與邪惡政權的對峙,就如比武之時,自己就明刀明槍,對方就揸你下陰撒煙爐灰落你眼度,咁無得比㗎喎……呢個政府已經出盡陰毒招數,我已經唔知道衛道之士仲企喺道德高地有咩用。「光復香港、時代革命」,只有民選政府先救到我地。講完!

廣告

發表意見