立場新聞 Stand News

終極懶人包,全民湧進小圈子選舉攻略,剩返唔夠 3 個月!

2020/1/3 — 13:02

【文:攬炒藝術家】

什麼,全民小圈子選舉?如果可以全民,小圏子選舉還存在?不錯,這正是本文目的:消滅小圈子!

有些建制票倉,普通人係可以攻破,但要跳出舒適圈,團體票也不放過!如攻破以下懶人包的界別(較易入而難 DQ,共 93 席特首選委),連同區議會 117 席丶立法會當然選委 31 席(上屆 30 席+區議會 1 席),只要非建制保住社福界 60 席丶橫掃 300 席專業界別(上屆只有中醫界選委佔少於半數),未計宗教界用抽籤決定的選委,剛好 601 席。退而求其次,上屆建制近百票無投 777 林鄭,要中共唔夠 601 票欽點而引發憲政危機攬炒,絕對有可能。

廣告

點解本文聚焦特首而非立法會?本來一箭雙雕,但大多數界別要早 12 個月行動才符合選民資格,立法會已趕不及,明年的特首選委則剛剛趕得切,變相今年 4 月 2 日截止。怕 DQ丶搬龍門?佢需要搬得好誇,咁就趁佢病加大國際壓力,本來就無得揀特首,無蝕底。怕對手也可大規模動員?係呀,所以我地要搏盡鬥多。規則上每團體一票,每人最多只可代表一個團體,如果雙方也海嘯式動員,就變相鬥人多了。部分有心人想靜靜雞贏,但本人不敢苟同,剩下可攻的建制票倉,有乜異動反正容易被中共察覺,搞熱氣氛才多勝算,高調宣傳但要低調入會或註冊。全民小圈子,雖然票值仍不平等,但全票制之下,全取某些建制票倉界別不難,變天不是奢談,到時反過來中共想取消小圈子了。反之,如果杯葛可得普選,97 年杯葛後已有普選了。

作者製圖

作者製圖

廣告

工會章程 template
FB page: 和你開工會
TG: 立法會功能組別攻略、組工會TG總公海
FB page: 文化同行 ARTicipants
TG:[光復功能組別] 體育、演藝、文化及出版界要人!

和理非,仲可以做更多。例如有人熱心推動小提琴藝術,深信藝術應該生活化、社區化,可以呼籲 452 個區議會小區的街坊,誰有興趣就組隊成立一個團,自己負責提供藝術意見,街坊負責社區聯繫及會務。各區註冊社團要預左警總有文件 back and forth,小心唔記得覆就當自動放棄。順便一提,社團可比公眾更早預訂某些康文署場地。又例如七個銀行界人士搞工會,雖然理念相近,但發展方向意見不一,A 想 focus 中環,B 只想服務 IFC 的同業,C 想服務 IFC 條金融街,D 想擴展至金融業而非局限於銀行,E 想收窄至前線職員,F 想提倡良心理念,G 想提倡公義理念,大家說服不了對方,索性兄弟爬山,搞七個工會,各自做主席又互相幫忙會務。大家熱心公共事務,順便行使政治權利,剛好七人七工會有七張勞工界選票,順便架咋,唔係特登一票變七票架。 細路仔,就算 16 歲幾,要玩小圈子,今年成立社團也差不多了(例如美術學社);仲可以留意有没有一些良心阿叔做食肆丶零售店老闆,提醒佢快 D 行動。

咦,勞工界聽聞會多四百個工會夠團體票啦?以上屆標準,係,但要假設對方唔增加工會,而這界別有 60 席,太重要,何況對方要加幾百工會有何難?但如果我們打工仔三個月內全民參與,多了數以萬計甚至十萬計的工會,對方就很難跟機。記住,中共 / 777 已失去區議會 117 席特首選委,再輸埋勞工界,鐵票就唔夠 601 票!

就算攞埋懶人包 93 席,僅僅過半似乎也不太穏陣喎?係呀,如果你想知仲有乜關鍵界別可以幫手,又唔怕睇長文,睇埋前文〈換特首只需四萬素人新血,三個月截止!〉啦,精選發掘逾十個建制界別,有能力取得符合選民資格的人至少十倍於當選所需得票,即係話這些界別係容易翻盤,問題是無乜人知道加入方法,又或者好多時要先早一年課金入會才有資格登記做選民。或者睇網站 https://hkvote.net,俾懶人按需要㩒入,未完善,可改善。

泛民點解以前唔做?其實我凖備上面 D 料都花一番工夫架,咪等大台,靠自己啦,到時搵埋素人做選委。

欲要清算暴政,必爭特首選委。全民小圈子是未來三個月最重要的任務,沒有之一!三個月內中共發覺唔夠票就要考慮讓步,或者攬炒式大搬龍門。

唔怕鬥人多,最怕無人知。認同請分享,立即要行動,人人有責,剩返唔夠 3 個月!這也是中共最內外交困的一年!

PS:如你/你的團體從未登記任何功能界別(包括超級區議會),截止登記/更改界別日期則為 5 月 2 日而非 4 月 2 日。

發表意見