立場新聞 Stand News

【罷工公投】城巴司機阿傑︰「依一刻,係拼搏嘅最好時機」

2020/6/19 — 21:02

職工盟製圖

職工盟製圖

【文:阿傑(巴士司機、城巴工會成員)】

為咗下一代,我豁得出去

其實,邊會有人唔驚。

廣告

自己參與發起公投,我都覺得好矛盾,覺得有啲自私。因為,今次公投可能真係會影響份工,真係會影響屋企收入。

但係日日睇見中國嘅新聞,勞工團體、工人去拎返應得嘅權益,都會比中國政府送入監倉 — 尋釁滋事罪、顛覆國家政權,一個有咗国安法嘅香港,我諗,都唔會同中國差得遠。

廣告

反国安法公投,我哋無得揀,應該要做。

我同下一代講︰「留唔留喺香港,你地自己決定」。作為一個父母,我嘅下一代要喺將來嘅香港生活,我覺得係一個好悲哀好無力嘅狀態。

一方面我想佢為自己將來打拼,去爭取一個城市應該要有嘅嘢,為佢嘅生活目標去努力;

但作為父親,我唔想佢地出去,怕佢比人拉,比人打,好擔心佢地往後嘅生活;

但係,作為一個工會嘅人,作為一個相信團結相信抗爭嘅人,呢啲說話,我講唔到出口。

我覺得,要爭取、要送頭,留返比我地呢代人,我地都上咗年紀,仔女又出哂身,無乜經濟壓力,我地豁得出去。

為咗香港嘅將來,為咗呢個可能係我仔女將來繼續生活嘅城市,我相信,依一刻,係拼搏嘅最好時機。

罷工公投,已經係依加作為一個人,喺最安全情況下,可以做嘅嘢。

 

【城巴有限公司職工會】 網上入會
【新世界第一巴士公司職工會】網上入會

求助熱線:27708668
FB Inbox:職工盟(HKCTU)
TG:@HKCTU

職工盟 Facebook

發表意見