立場新聞 Stand News

美國示威浪潮是選舉操作、外國勢力?

2020/6/11 — 10:33

資料圖片,來源:Gabe Pierce @ Unsplash

資料圖片,來源:Gabe Pierce @ Unsplash

舊年抗爭最激烈的時候,有不少外國傳媒可能因為隔咗個海,對香港的示威浪潮有好多誤解。有時佢哋問嘅問題,同某些藍絲好似:咁激進冇人支持嘛?選舉操作咋嘛?咁樣落去社會分化嘛?

呢個時候,我都會俾佢哋睇香港嘅民調,說明運動受香港民意廣泛支持,唔係兩極化亦冇失民心,更加唔係選舉操作。

嚟到今日,輪到香港有班人將同一套批評套落美國的示威浪潮上面,話係選舉操作,又話失民心,甚至連外國勢力論都出埋⋯⋯呢個時候,不如又睇吓美國嘅民意調查。

廣告

民調顯示,美國過去幾年認同警察有問題的比例大幅上升,而且雖然黨派之間比例上有別,但都係升得好快;連共和黨都就嚟過半。警暴問題已經可以話係美國人的全民共識,今日見到嘅嘢唔係一時一刻可以煽動出嚟。香港人想外國人理解自己,都要花少少時間理解吓人哋。

當然,我咁寫得,都預咗會有人話假民調,又或者話如果美國主流民意咁諗就真係抵死⋯⋯唔,大陸啲小粉紅見到香港人支持抗爭嘅民調都係咁講㗎,假民調嘛,香港人抵死嘛。

廣告

作者 Facebook

(標題為編輯所擬)

發表意見